കണ്ണൂരില് : ഹര്ത്താലിന്റെ മറവില് കണ്ണൂരിലും വ്യാപക ആക്രമണം. ഉളിയില് നരയന്പാറയില് സ്വകാര്യ വാഹനത്തിന് നേരെ പെട്രോള് ബോംബെറിഞ്ഞ് ആക്രമണം. പത്രം കൊണ്ടുപോവുകയായിരുന്ന വാഹനത്തിന് നേരെയാണ് ആക്രമണമുണ്ടായത്. കെഎസ്ആര്ടിസിക്ക് നേരെയുണ്ടാ ആക്രമണങ്ങളെ കൂടാതെയാണിത്.
അന്വേഷണത്തില് പോപ്പുലര് ഫ്രണ്ട് പ്രവര്ത്തകരില് നിന്നും പെട്രോള് ബോബുകളും പിടിച്ചെടുത്തിട്ടുണ്ട്. വളപട്ടണം പാലത്തിന് സമീപം കെഎസ്ആര്ടിസി സ്വിഫ്റ്റ് ബസിന് നേരെയും കല്ലേറുണ്ടായി. മൂകാംബികയിലേക്ക് പോവുകയായിരുന്ന ബസിന് നേരെ ഏഴരയോടെയാണ് കല്ലേറ് ഉണ്ടായത്.
അതിനിടെ കോഴിക്കോട്, വയനാട്, കോട്ടയം ഈരാറ്റുപേട്ട എന്നിവിടങ്ങളിലും കുറിച്ചി ഔട്ട് പോസ്റ്റിലും കെഎസ്ആര്ടിസി ബസുകള്ക്ക് നേരേ ആക്രമണങ്ങളും സ്വകാര്യ വാഹനങ്ങള്ക്ക് നേരെ കല്ലേറുമുണ്ടായി. ആക്രമണങ്ങളില് കെഎസ്ആര്ടിസിക്ക് വ്യാപക നഷ്ടങ്ങളാണ് ഉണ്ടായത്. ആക്രമണങ്ങളെ തുടര്ന്ന് പല സ്ഥലങ്ങളിലും സര്വീസ് നിര്ത്തിവെച്ചിരിക്കുകയാണ്.
