കൊല്ലം: കാവനാട് പുതിയകാവ് ബാലാശ്രമത്തിലെ കുട്ടികളുടെ ഓണാഘോഷമായ ബാലകാരുണ്യം 2022 ഡോ. സി. അനില്കുമാര് ഉദ്ഘാടനം ചെയ്തു. രാവിലെ കലാപരിപാടികള്ക്ക് ശേഷം നടന്ന സമാപന സമ്മേളനം കൊല്ലം സിഡബഌുസി ചെയര്മാന് സനില്കുമാര് എസ്. ഉദ്ഘാടനം ചെയ്തു.
ബാലാശ്രമം പ്രസിഡന്റ് ഡോ.വി. ശശിധരന് പിള്ള അധ്യക്ഷത വഹിച്ചു. വിശ്വഹിന്ദുപരിഷത്ത് സംസ്ഥാന വൈസ് പ്രസിഡന്റ് വരവിള വാസുദേവന്നായര് ഓണക്കോടി വിതരണവും രാഷ്ട്രീയ സ്വയംസേവക സംഘം കൊല്ലം വിഭാഗ് സഹകാര്യവാഹ് മീനാട് ഉണ്ണി ബാലകാരുണ്യ സന്ദേശം നല്കലും നിര്വഹിച്ചു. ഓണകിറ്റ് വിതരണം കോര്പ്പറേഷന് കൗണ്സിലര് ടി.ജി. ഗിരീഷ് നിര്വഹിച്ചു.
ബാലാശ്രമം സെക്രട്ടറി സി.എസ്. ശൈലേന്ദ്രബാബു, പുതിയകാവ് ദേവസ്വം സെക്രട്ടറി ഗിരീഷ് ബാബു, അഭിഭാഷക പരിഷത്ത് ദേശീയ വൈസ് പ്രസിഡന്റ് അഡ്വ.ആര്. രാജേന്ദ്രന്, ബിജെപി ദേശീയ കൗണ്സില് അംഗം എം.എസ്. ശ്യാംകുമാര്, തപസ്യ ജില്ലാ പ്രസിഡന്റ് എസ്. രാജന്ബാബു, വിഎച്ച്പി വിഭാഗ് സെക്രട്ടറി പി.കെ. ഉണ്ണികൃഷ്ണന്, ബാലാശ്രമം ട്രഷറര് കെ.പി. പരമേശ്വരന്നായര് എന്നിവര് സംസാരിച്ചു.
