മലപ്പുറം: കരിപ്പൂര് വിമാനത്താവളത്തില് 101 പവന് സ്വര്ണം ഒളിപ്പിച്ചു കടത്താന് ശ്രമിച്ച പ്രതി കസ്റ്റംസ പിടിയില്. 808 ഗ്രാം (101 പവന്) സ്വര്ണമാണ് പിടികൂടിയത്. ഇന്ന് പുലര്ച്ചെ ബഹ്റൈനില് നിന്നുള്ള ഐഎക്സ് 474 വിമാനത്തിലെത്തിയ കൊടുവള്ളി സ്വദേശി ഉസ്മാന് വട്ടംപ്പൊയിലിനെയാണ് കസ്റ്റംസ് പിടികൂടിയത്.
മലദ്വാരത്തില് ഒളിപ്പിച്ചാണ് ഉസ്മാന് സ്വര്ണം കടത്താന് ശ്രമിച്ചത്. സ്വര്ണ മിശ്രിതം മൂന്ന് ക്യാപ്സൂളുകള് ആക്കിയായിരുന്നു മലദ്വാരത്തില് ഒളിപ്പിച്ചത്. വിമാനത്താവളം വഴി സ്വര്ണം കടത്താന് ശ്രമിക്കുന്നതായി കസ്റ്റംസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തില് നടത്തിയ പരിശോധനയിലായിരുന്നു സ്വര്ണം പിടികൂടിയത്. സുരക്ഷാ പരിശോധനയ്ക്കിടെ പിടിയിലായ ഉസ്മാന് സ്വര്ണം ഇല്ലെന്നായിരുന്നു ആദ്യം പറഞ്ഞത്. എന്നാല് പിന്നീട് വിശദമായ പരിശോധനയില് സ്വര്ണം ഉള്ളതായി കണ്ടെത്തുകയായിരുന്നു. ഇയാളെ വിശദമായി ചോദ്യം ചെയ്തുവരികയായിരുന്നു.
