തിരുവനന്തപുരം : പൂജപ്പുര സെന്‍ട്രല്‍ ജയില്‍ വളപ്പിലുള്ള ഗണപതി ക്ഷേത്രത്തില്‍ മോഷണം. കാണിക്കവഞ്ചി കുത്തിത്തുറന്ന് പണം കവര്‍ന്നു. സെന്‍ട്രല്‍ ജയിലിന്റെ പ്രധാന മതിലിനോട് ചേര്‍ന്ന് സ്ഥിതിചെയ്യുന്ന ക്ഷേത്രത്തിലെ കാണിക്ക വഞ്ചികളില്‍ ഒന്നാണ് കുത്തിത്തുറന്നത്.
പണം നഷ്ടപ്പെട്ടിട്ടുണ്ടെന്നാണ് വിലയിരുത്തല്‍. കനത്ത സുരക്ഷാ മേഖലയില്‍ സ്ഥിതിചെയ്യുന്ന ക്ഷേത്രത്തിലാണ് മോഷണം നടന്നത്. പോലീസ് അന്വേഷണം തുടങ്ങി.
പൊതുജനങ്ങളും തടവുപുള്ളികളും ഈ ക്ഷേത്രത്തില്‍ ദര്‍ശനത്തിനായി എത്താറുണ്ട്. തടവുപുള്ളികളെ കേന്ദ്രീകരിച്ചാണ് പോലീസ് അന്വേഷണം. പുറത്തുനിന്ന് മോഷ്ടാക്കള്‍ എത്താനുള്ള സാധ്യതയും പോലീസ് തള്ളിക്കളയുന്നില്ല. ഇക്കാര്യവും പരിശോധിക്കുന്നുണ്ട്.
പ്രതികരിക്കാൻ ഇവിടെ എഴുതുക: