മുംബൈ : ആയുധങ്ങളുമായി മഹാരാഷ്ട്ര തീരത്തു നിന്നും ബോട്ട് കണ്ടെത്തി. റായ്ഗഡ് ജില്ലയിലെ ഹരിഹരേഷ് തീരത്തായാണ് ബോട്ടില് നിന്നും എകെ. 47 തോക്കുകളും വെടിയുണ്ടകളും ഉള്പ്പടെയുള്ള ആയുധങ്ങളാണ് കണ്ടെത്തിയത്. തുടര്ന്ന് മഹാരാഷ്ട്രയിലെന്നും ജാഗ്രതാ നിര്ദ്ദേശം നല്കിയിരിക്കുകയാണ.
ഓസ്ട്രേലിയയില് നിര്മ്മിച്ച ബോട്ടാണ് പോലീസ് പിടിച്ചെടുത്തതെന്നാണ് പുറത്തുവരുന്ന വിവരം. എ.കെ 47 തോക്കുകളും വെടിയുണ്ടകളും ബോട്ടില് നിന്നും ലഭിച്ചതായി പോലീസ് സ്ഥിരീകരിച്ചിട്ടുണ്ട്. എന്നാല് ബോട്ടുമായി ബന്ധപ്പെട്ട കൂടുതല് വിവരങ്ങള് പോലീസ് പുറത്തുവിട്ടിട്ടില്ല.
ഹരിഹരേശ്വര് ബീച്ചിലേക്ക് വരുന്ന വിവരം ബോട്ടില് ഉണ്ടായിരുന്നവര് കോസ്റ്റ് ഗാര്ഡിനെ അറിയിച്ചിരുന്നില്ല. തുടര്ന്ന് നടത്തിയ അന്വേഷണത്തിലാണ് ബോട്ട് കണ്ടെത്തിയത്. ബോട്ടില് ആരും ഉണ്ടായിരുന്നില്ല. ഇതുമായി ബന്ധപ്പെട്ട് മഹാരാഷ്ട്രാ തീവ്രവാദ വിരുദ്ധ സ്ക്വാഡ് റായ്ഗഡിലേക്ക് തിരിച്ചിട്ടുണ്ട്.
