കൊല്ലത്തെ അഗ്നിപഥ് റിക്രൂട്ട്മെന്റ് റാലിയുടെ ഓണ്ലൈന് രജിസ്ട്രേഷന് ഓഗസ്റ്റ് അഞ്ചാം തീയതിയിലേക്കു മാറ്റി. തിരുവനന്തപുരത്തെ ആര്മി റിക്രൂട്ട്മെന്റ് ഓഫീസാണ് ഇക്കാര്യം അറിയിച്ചത്. ഓഗസ്റ്റ് ഒന്നാം തീയതി മുതല് റിക്രൂട്ട്മെന്റ് തുടങ്ങുമെന്നാണ് ആദ്യം അറിയിച്ചിരുന്നത്.
എന്നാല് സാങ്കേതിക കാരണങ്ങളെ തുടര്ന്ന് റിക്രൂട്ട്മെന്റ് അഞ്ചാം തിയതിയിലേക്ക് മാറ്റുകയായിരുന്നു. ഓഗസ്റ്റ് അഞ്ച് മുതല് സെപ്റ്റംബര് മൂന്നു വരെ www.joinindianarmy.nic.in എന്ന വെബ്സൈറ്റ് വഴി ഉദ്യോഗാര്ത്ഥികള്ക്ക് ഓണ്ലൈന് വഴി രജിസ്റ്റര് ചെയ്യാം.
അതേസമയം തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലെ പുരുഷ ഉദ്യോഗാര്ഥികള്ക്കായുള്ള അഗ്നിപഥ് റിക്രൂട്ട്മെന്റ് റാലി നവംബര് 15 മുതല് നവംബര് 30 വരെ കൊല്ലം ലാല് ബഹദൂര് ശാസ്ത്രി സ്റ്റേഡിയത്തില് നടക്കും.
