ലക്നൗ: യുപി മുഖ്യമന്ത്രി യോഗി ആദിത്യനാഥ് സഞ്ചരിച്ച ഹെലികോപ്ടര്‍ എമര്‍ജന്‍സി ലാന്‍ഡിംഗ് നടത്തി. ഹെലികോപ്ടറില്‍ പക്ഷി ഇടിച്ചതിനെ തുടര്‍ന്ന് മുന്‍കരുതല്‍ നടപടിയുടെ ഭാഗമായാണ് തിരിച്ചിറക്കാന്‍ തീരുമാനിച്ചത്. ഇന്ന് രാവിലെയാണ് സംഭവം.
വാരണാസിയില്‍ നിന്നും തലസ്ഥാനമായ ലക്നൗവിലേക്ക് പോകുകയായിരുന്നു മുഖ്യമന്ത്രി. ടേക്ക് ഓഫ് ചെയ്യുന്നതിനിടെയാണ് ഹെലികോപ്ടറില്‍ പക്ഷിയിടിച്ചത്. തുടര്‍ന്ന് പൈലറ്റ് എമര്‍ജന്‍സി ലാന്‍ഡിംഗ് നടത്തുകയായിരുന്നുവെന്ന് വാരാണസി ജില്ലാ മജിസ്ട്രേറ്റ് കൗശല്‍ രാജ് ശര്‍മ്മ പറഞ്ഞു.വാരാണസി റിസര്‍വ്വ് പോലീസ് ലൈന്‍സിലാണ് എമര്‍ജന്‍സി ലാന്‍ഡിംഗ് നടത്തിയത്.
പിന്നീട് റോഡ് മാര്‍ഗം ബബാത്പൂരിലെ ലാല്‍ബഹദൂര്‍ശാസ്ത്രി അന്താരാഷ്‌ട്ര വിമാനത്താവളത്തില്‍ എത്തിയ മുഖ്യമന്ത്രി ഇവിടെ നിന്നും വിമാനത്തില്‍ ലക്നൗവിലേക്ക് തിരിച്ചു. വാരാണസിയില്‍ നടപ്പാക്കുന്ന വികസന പ്രവര്‍ത്തനങ്ങള്‍ വിലയിരുത്താന്‍ ഇന്നലെ എത്തിയ യോഗി അവിടെ തങ്ങിയ ശേഷം തലസ്ഥാനത്തേക്കുളള യാത്രയ്‌ക്കിടെയാണ് സംഭവങ്ങള്‍.
