മുംബൈ: സാമൂഹ്യപ്രവര്ത്തക ടീസ്ത സെതല്വാദ് കസ്റ്റഡിയില്. മുംബൈയിലെ ജുഹു പ്രദേശത്തുള്ള വസതിയില് നിന്ന് ഗുജറാത്ത് പോലീസാണ് ടീസ്തയെ അറസ്റ്റ് ചെയ്തത്. മുംബൈയിലെ സാന്തക്രൂസ്ത പോലീസ് സ്റ്റേഷനിലേക്കാണ് നിലവില് ഇവരെ കൊണ്ടു പോയിരിക്കുന്നതെന്ന് എഎന്ഐ റിപ്പോര്ട്ട് ചെയ്യുന്നു.
ഗോധ്രാനന്തര കലാപവുമായി ബന്ധപ്പെട്ട് കുപ്രചാരണങ്ങള് നടത്തുകയും ഗൂഢോദ്ദേശ്യത്തോടെ സാക്കിയ ജഫ്രിയുമായി ചേര്ന്ന് പ്രവര്ത്തിക്കുകയും ചെയ്തതുമായി ബന്ധപ്പെട്ട കേസിലാണ് അറസ്റ്റ് എന്നാണ് വിവരം. ഗോധ്രാനന്തര കലാപവുമായി ബന്ധപ്പെട ടീസ്ത ഗൂഢോദ്ദേശ്യത്തോടെ പ്രവര്ത്തിച്ചു എന്ന് സുപ്രീം കോടതി പരാമര്ശിച്ചിരുന്നു. കലാപവുമായി ബന്ധപ്പെട്ട് ടീസ്ത വലിയ തോതില് വ്യാജപ്രചാരണങ്ങള് നടത്തിയിരുന്നു. വ്യാജ വാര്ത്ത നല്കിയതുമായി ബന്ധപ്പെട്ട് ഇവര്ക്കെതിരെ നിരവധി ആരോപണങ്ങള് നിലവിലുണ്ടായിരുന്നു.
