കോട്ടയം: സംഗീതസംവിധായകന് തട്ടിപ്പുകേസില് അറസ്റ്റില്. കോട്ടയം ഏറ്റുമാനൂര് വല്ലയില് ചാലില് വീട്ടില് ശരത് മോഹനാണ(39) കോഴിക്കോട് പയ്യോളി പോലീസിന്റെ പിടിയിലായത്.ഉന്നതരുമായി ബന്ധമുണ്ടെന്ന് കാണിച്ച നിരവധി തട്ടിപ്പുകള് ഇയാള് നടത്തിയിരുന്നു.ഹൈക്കോടതി അസിസ്റ്റന്റ് തസ്തികയില് നിയമനം നല്കാമെന്ന് പറഞ്ഞ് ഉദ്യോഗാര്ത്ഥികളെ കമ്പളിപ്പിച്ചെന്ന കേസില് ഹൈക്കോടതി വിജിലന്സിന്റെ അന്വേഷണവും ഇയാള്ക്കെതിരെ നടക്കുന്നുണ്ട്.
ഗവര്ണര്, മന്ത്രിമാര്, ഉന്നതപോലീസ് ഉദ്യോഗസ്ഥര് എന്നിവരുടെ ചിത്രങ്ങള് ദുരുപയോഗം ചെയ്ത് തട്ടിപ്പ് നടത്തിയതിനും ഇയാള്ക്കെതിരെ കേസുകള് ഉണ്ട്.പോലീസ് ഉദ്യോഗസ്ഥരുമായി ബന്ധം സ്ഥാപിക്കാനും ശ്രമിച്ചിരുന്നു.മദ്യം കടത്തിയ കേസില് ജാമ്യം ലഭിച്ച ശേഷം ഇയാള് ഹാജരാകാതെ വന്നപ്പോള് വാറണ്ട് പുറപ്പെടുവിച്ചിരുന്നു.പയ്യോളി പോലീസ് ഇയാളെ എറണാകുളത്തുനിന്നാണ് പിടികൂടിയത്.കോട്ടയം, കുറവിലങ്ങാട്, ഏറ്റുമാനൂര്, ഗാന്ധിനഗര്, മയ്യില് തുടങ്ങിയ പോലീസ് സ്റ്റേഷനുകളില് ഇയാള്ക്കെതിരെ ഏഴോളം കേസുകളുണ്ടെന്ന് പോലീസ് പറഞ്ഞു.
