ടോവിനോ തോമസ് , കീര്ത്തി സുരേഷ് എന്നിവര് കേന്ദ്ര കഥാപാത്രങ്ങളെ അവതരിപ്പിക്കുന്ന പുതിയ സിനിമ ‘വാശി’യുടെ ടീസര് പുറത്തിറങ്ങി. രേവതി കലാമന്ദിറിന്റെ ബാനറില് ജി.സുരേഷ് കുമാറാണ് ചിത്രം നിര്മിക്കുന്നത്. നവാഗതനായ വിഷ്ണു ജി രാഘവ് ആണ് സിനിമയുടെ രചനയും സംവിധാനവും നിര്വഹിച്ചിരിക്കുന്നത്. ചിത്രം ജൂണ് 17ന് തീയേറ്ററുകളില് എത്തും
ചിത്രത്തില് അഡ്വ. എബിനും അഡ്വ. മാധവിയുമായിട്ടാണ് ടൊവിനോയും കീര്ത്തിയുമെത്തുന്നത്. ഉര്വശി തിയേറ്റേഴ്സും രമ്യ മൂവീസുമാണ് ചിത്രം വിതരണം ചെയ്യുന്നത്. വിഷ്ണു ജി. രാഘവ് തന്നെയാണ് ചിത്രത്തിന്റെ രചനയും നിര്വഹിക്കുന്നത്. ജാനിസ് ചാക്കോ സൈമണിന്റേതാണ് കഥ. നിതിന് മോഹനാണ് എക്സിക്യൂട്ടീവ് പ്രൊഡ്യൂസര്. റോബി വര്ഗീസ് രാജ് ക്യാമറയും മഹേഷ് നാരായണന് എഡിറ്റിംഗും ചെയ്യുന്നു. കൈലാസ് മേനോനാണ് സംഗീത സംവിധാനം നിര്വഹിക്കുന്നത്. വിനായക് ശശികുമാറാണ് ചിത്രത്തിലെ പാട്ടുകള് രചിക്കുന്നത്. ദിവ്യ ജോര്ജാണ് വസ്ത്രാലങ്കാരം.
