ലഖ്നോ:ഇനി റോഡില് ഒരു മതപരിപാടിയും അനുവദിക്കില്ലെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. മാത്രമല്ല, ആരാധനാലയങ്ങളില് നിന്നും എടുത്തുമാറ്റിയ മൈക്കുകള് ഇനി തിരികെ സ്ഥാപിക്കാന് അനുവദിക്കില്ലെന്നും യോഗി ആദിത്യനാഥ് വ്യക്തമാക്കി. ഉത്തര്പ്രദേശിലെ റോഡുകളില് നമാസ് നടത്തുന്ന പതിവ് ഇനി അനുവദിക്കില്ലെന്ന സൂചനയായിരുന്നു യോഗിയുടെ ഈ വാക്കുകള്. അല്വിദ ജുമയിലെ പൊതുറോഡുകളില് Â ഉള്പ്പെടെ നമാസ് നടത്തുന്നത് വലിയ വിവാദമുണ്ടാക്കിയിരുന്നു. Â
നൂറി മസ്ജിദില് വാങ്ക് വിളിക്കാന് ലൗഡ് സ്പീക്കര് അനുവദിക്കണമെന്ന ആവശ്യപ്പെട്ട് ബദൗന് പ്രദേശത്തെ ഇര്ഫാന് നല്കിയ അപേക്ഷ അലഹബാദ് ഹൈക്കോടതി തള്ളിയ ശേഷം മാധ്യമപ്രവര്ത്തകരോട് സംസാരിക്കുകയായിരുന്നു മുഖ്യമന്ത്രി യോഗി ആദിത്യനാഥ്. വാങ്ക് വിളിക്ക് ലൗഡ് സ്പീക്കര് ഉപയോഗിക്കുക എന്നത് മൗലിക അവകാശമല്ലെന്നതായിരുന്നു കോടതിയുടെ വിധി. Â
“പൊതു ഇടത്തില് ഒരു മതസംബന്ധമായ പരിപാടികളും അനുവദിക്കില്ല. മതപരിപാടികള് അവരുടെ ആരാധനങ്ങളുടെ പരിസരത്ത് വേണം നടത്താന്. റോഡില് ഇനി മതപരിപാടികള് അനുവദിക്കില്ല. മാത്രമല്ല, മതപരിപാടികള് പൊതുജനങ്ങളുടെ ജീവിതത്തിന് തടസ്സമുണ്ടാക്കുന്ന തരത്തിലാകരുത്. “- യോഗി ആദിത്യനാഥ് പറഞ്ഞു.Â
