കൊല്ലം: കെ-റെയില് സില്വര് ലൈന് നാടിനാപത്ത് എന്ന മുദ്രാവാക്യമുയര്ത്തി ബിജെപി ജില്ലാ പ്രസിഡന്റ് ബി.ബി ഗോപകുമാര് നയിക്കുന്ന പദയാത്ര ഏപ്രില് ഒന്നിന് നടക്കും. വൈകിട്ട് മൂന്നിന് ചാത്തന്നൂരില് നിന്നാരംഭിക്കുന്ന പദയാത്ര കൊട്ടിയത്ത് സമാപിക്കും. സമാപന സമ്മേളനം ദേശീയ നിര്വഹക സമിതി അംഗം കുമ്മനം രാജശേഖരന് ഉദ്ഘാടനം ചെയ്യും.
പരിപാടിയുടെ നടത്തിപ്പിനായി ജില്ലാ ജനറല് സെക്രട്ടറി വയയ്ക്കല് സോമന്, ജനറല് കണ്വീനറായി ജില്ലാ ജനറല് സെക്രട്ടറി വി.വിനോദ്, മേഖല സെക്രട്ടറി വി.എസ്. ജിതിന്ദേവ്, ജില്ലാ വൈസ് പ്രസിഡന്റുമാരായ സുരേന്ദ്രനാഥ്, ബി. ശ്രീകുമാര്, ജില്ലാ സെക്രട്ടറിമാരായ കെ.ആര്. രാധാകൃഷ്ണന്, മന്ദിരം ശ്രീനാഥ്, പ്രശാന്ത്, ജില്ലാ ഐടി സെല് കണ്വീനര് ജ്യോതിഷ് എന്നിവരുടെ നേതൃത്വത്തില് വിവിധ സബ്കമ്മിറ്റികളും രൂപീകരിച്ചു.
ജില്ലയിലെ വിവിധ മണ്ഡലങ്ങളില് നിന്ന് അയ്യായിരം സമരഭടന്മാര് യാത്രയില് അണിചേരുമെന്ന് വയയ്ക്കല് സോമന് പറഞ്ഞു. പൊതുഗതാഗതത്തിന് ബുദ്ധിമുട്ട് ഉണ്ടാകാതിരിക്കാന് വോളന്റിയര്മാരെ നിയോഗിക്കും. ശുചീകരണത്തിനായി സ്വച്ഛ് ഭാരത് വാളന്റിയര്മാരെയും സജ്ജമാക്കും. കെ റെയില് കടന്നുപോകുന്ന പ്രധാന കേന്ദ്രങ്ങളില് വരും ദിവസങ്ങളില് സില്വര് ലൈന് വിരുദ്ധജനകീയ അസംബ്ലികള് സംഘടിപ്പിക്കുമെന്നും വയയ്ക്കല് സോമന് അറിയിച്ചു.
