ന്യൂദല്ഹി: സില്വര്ലൈന് പദ്ധതി നടപ്പാക്കാന് കേരളം തിടുക്കം കാണിക്കരുതെന്ന് കേന്ദ്ര റെയില്വേ മന്ത്രി അശ്വിനി വൈഷ്ണവ് രാജ്യസഭയില് പറഞ്ഞു. കെ റെയില് പദ്ധതി സൂക്ഷിച്ച് മുന്നോട്ട് പോകേണ്ട വിഷയമാണ്, വളരെ ചിന്തിച്ച് മാത്രം തീരുമാനമെടുക്കണമെന്ന് അദ്ദേഹം പറഞ്ഞു.
ഈ പദ്ധതി വളരെ സങ്കീര്ണമാണ്. പദ്ധതിച്ചെലവ് 63,000 കോടി രൂപയെന്ന സംസ്ഥാന സര്ക്കാരിന്റെ കണക്ക് ശരിയല്ല. റെയില് മന്ത്രാലയത്തിന്റെ വിലയിരുത്തല് പ്രകാരം ചെലവ് ഒരു ലക്ഷം കോടിക്കു മുകളില് പോകും.സില്വര്ലൈന് ഒട്ടേറെ സാങ്കേതികപ്രശ്നങ്ങളും പരിസ്ഥിതി പ്രശ്നങ്ങളുമുണ്ട്. കേരളത്തിന്റെ നന്മ മുന്നിര്ത്തിയുള്ള നല്ല തീരുമാനമുണ്ടാകുമെന്നും അശ്വനി വൈഷ്ണവ് രാജ്യസഭയില് പറഞ്ഞു.
അതേസമയം സംസ്ഥാനത്ത് കെ റെയില് പദ്ധതിയ്ക്കെതിരെ ജനരേഷം ശക്തമായ സാഹചര്യത്തില് മുഖ്യമന്ത്രി പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി. പാര്ലമെന്റ് ഹൗസിലെ പ്രധാനമന്ത്രിയുടെ ഓഫീസില് വെച്ചാണ് കൂടിക്കാഴ്ച നടത്തിയത്.
