ചാരുംമൂട്: കെ-റെയിലെന്ന സാങ്കല്പിക പദ്ധതിക്കു വേണ്ടി പിണറായിയും കൂട്ടരും കാണിക്കുന്ന അമിതാവേശം കേരളത്തിന്റെ മണ്ണില്‍ നടത്താമെന്ന വ്യാമോഹം മനസ്സില്‍ വെച്ചാല്‍ മതിയെന്നും ആ പരുപ്പ് ഇവിടെ വേവില്ലന്നും കര്‍ഷകമോര്‍ച്ച സംസ്ഥാന പ്രസിഡന്റ് ഷാജി.ആര്‍.നായര്‍ പ്രഖ്യാപിച്ചു.
കെ -റെയിലിന്റെ പേരില്‍ കുടിയിറക്കുമെന്നു പറയുന്ന നൂറനാട് പടനിലം പാലമേല്‍ മേഖല സന്ദര്‍ശിക്കുവാന്‍ എത്തിയതായിരുന്നു അദ്ദേഹം. ഇവിടുത്തെ ഒരു കര്‍ഷക കുടുംബവും സ്വന്തം വീടും സ്ഥലവും വിട്ടുകൊടുക്കാന്‍ തയ്യാറല്ല. കര്‍ഷക കുടുംബത്തിന്റെ നെഞ്ചില്‍ കല്ലിടാനാണു വ്യാമോഹമെങ്കില്‍ അത് നടക്കില്ല.
കര്‍ഷക മോര്‍ച്ച ജില്ല പ്രസിഡന്റ് ശ്രീജിത്ത്, ബിജെപി മാവേലിക്കര മണ്ഡലം പ്രസിഡന്റ് അഡ്വ.കെ.കെ.അനൂപ്, കര്‍ഷക മോര്‍ച്ച ജില്ല സെക്രട്ടറി അരുണ്‍ എസ്.കുമാര്‍, വിശ്വനാഥന്‍, ദേവാനന്ദ്, മുരളി ഹരിപ്പാട്, ബിജെപി മണ്ഡലം സെക്രട്ടറി അശോക് ബാബു, ഏരിയ പ്രസിഡന്റുമാരായ പരമേശ്വരന്‍ പിള്ള , മനു തുരുത്തിയില്‍ , ജനറല്‍ സെക്രട്ടറി ബിനു ശിവരാമന്‍ പാലമേല്‍, സന്തോഷ് കുമാര്‍, ബിജു, വാസുദേവന്‍ പിള്ള ,വിജയന്‍ പിള്ള, കാര്‍ത്തിക എന്നിവര്‍ സന്ദര്‍ശന സംഘത്തിനു നേതൃത്വം നല്കി.
