ശ്രീനഗര് : ജമ്മു കശ്മിരിലെ സര്പഞ്ചിനെ കൊലപ്പെടുത്തിയ മൂന്ന് ഭീകരരെ സുരക്ഷാ സേന വധിച്ചു. ലഷ്കര് ഇ തോയ്ബയുടെ ഉപവിഭാഗമായ റസിസ്റ്റന്സ് ഫ്രണ്ടില് അംഗമായ ഭീകരനെയാണ് സുരക്ഷാസൈന്യം ഇന്ന് വധിച്ചത്. ഇവരെ കുറിച്ചുള്ള വിശദാംശങ്ങള് സൈന്യം പുറത്തുവിട്ടിട്ടില്ല.
ഇന്ന് പുലര്ച്ചെയാണ് സംഭവം. ശീനഗറിനടുത്ത് നൗഗാം മേഖലയില് ഭീകരന് ഒളിച്ചു താമസിക്കുന്നതായി വിവരം ലഭിച്ചതിനെ തുടര്ന്ന് തെരച്ചില് നടത്തുന്നതിനിടെ സുരക്ഷാ സൈന്യത്തിനു നേരെ ഭീകരര് വെടിയുതിര്ക്കുകയായിരുന്നു. തുടര്ന്ന് സൈന്യം തിരിച്ചടിച്ചു. ഏറ്റുമുട്ടല് ഇപ്പോഴും തുടരുകയാണ്.
കശ്മീര് പോലീസിന് ലഭിച്ച രഹസ്യവിവരങ്ങളുടെ അടിസ്ഥാനത്തിലാണ് മേഖലയില് സൈനികര് റെയ്ഡ് ആരംഭിച്ചത്. കശ്മീര് മേഖലാ പോലീസ് വിഭാഗമാണ് സിആര്പിഎഫിനെ റെയ്ഡിന് സഹായിക്കുന്നത്. കഴിഞ്ഞ ബുധനാഴ്ച ശ്രീനഗറില് വെച്ചാണ് സര്പഞ്ച് സമീര് അഹമ്മദ് ഭട്ടിനെ ഭീകരര് വെടിവെച്ചത്. ഗുരുതമായി പരിക്കേറ്റ സര്പഞ്ച് പിന്നീട് മരണത്തിന് കീഴടങ്ങി.
ചൊവ്വാഴ്ച അവന്തിപ്പോറ ചാര്സോയിലുണ്ടായ ഏറ്റുമുട്ടലിലും ഒരു ഭീകരന് കൊല്ലപ്പെട്ടിരുന്നു. സിആര്പിഎഫ് ജവാന്മാരുമായുണ്ടായ ഏറ്റുമുട്ടലിലാണ് ഭീകരന് കൊല്ലപ്പെട്ടത്.
