ടൊവിനോ തോമസും കീര്ത്തി സുരേഷും ആദ്യമായി ഒന്നിക്കുന്ന ‘വാശി’യുടെ ഫസ്റ്റ് ലുക്ക് പോസ്റ്റര് പുറത്തുവിട്ടു. അഭിഷേക് ബച്ചന്, സാമന്ത, മഹേഷ് ബാബു, മോഹന്ലാല്, എന്നിവരാണ് പോസ്റ്റര് സാമൂഹിക മാധ്യമങ്ങളിലൂടെ റിലീസ് ചെയ്തത്. അഭിഭാഷക വേഷത്തില് കീര്ത്തിയും ടൊവിനോയുമാണ് പോസ്റ്ററിലുള്ളത്. നടനും സംവിധായകനുമായ വിഷ്ണു ജി രാഘവാണ് ചിത്രം സംവിധാനം ചെയ്യുന്നത്. ജാനിസ് ചാക്കോ സൈമണ് കഥയെഴുതുന്ന ചിത്രത്തിന്റെ തിരക്കഥ നിര്വഹിക്കുന്നത് സംവിധായകന് വിഷ്ണു തന്നെയാണ്.
രേവതി കലാമന്ദിറിന്റെ ബാനറില് ജി സുരേഷ് കുമാറാണ് സിനിമ നിര്മ്മിക്കുന്നത്. റോബി വര്ഗ്ഗീസ് രാജാണ് സിനിമയ്ക്ക് വേണ്ടി ക്യാമറ കൈകാര്യം ചെയ്യുന്നത്. മഹേഷ് നാരായണന് എഡിറ്റിങ്. വിനായക് ശശികുമാറിന്റെ വരികള്ക്ക് കൈലാസ് മേനോന് സംഗീതവും നിര്വ്വഹിക്കുന്നു. മേനക സുരേഷ്, രേവതി സുരേഷ് എന്നിവരാണ് സിനിമയുടെ സഹനിര്മ്മാതാക്കള്.
