ലഖ്നോ: ഹിജാബ് തൊട്ടാല് കൈവെട്ടുമെന്ന ഭീഷണിയുമായി സമാജ് വാദി പാര്ട്ടി നേതാവ് റുബിന ഖാനും. ഹിജാബില് തൊടുന്നവര് കലിയുഗ രാവണന്മാരാണെന്നും ഹിജാബ് വിവാദത്തിന് മൂര്ച്ച കൂട്ടിക്കൊണ്ട് നടത്തിയ പ്രസ്താവനയില് റുബിന ഖാനും പറഞ്ഞു.
തിലകവും പഗ്ഡിയും ഹിജാബും ഇന്ത്യന് സംസ്കാരത്തിന്റെ ഭാഗമാണെന്നും ഹിജാബില് തൊട്ടാല് തനിക്ക് റസിയ സുല്ത്താന ആകേണ്ടി വരുമെന്നും അവര് ഭീഷണി സ്വരത്തില് താക്കീത് നല്കി. കര്ണ്ണാടകയിലെ കുന്ദാപുര കോളെജിലെ ആറ് മുസ്ലിം പെണ്കുട്ടികള് കോളെജ് അധികൃതരുടെ വിലക്കിനെ തുടര്ന്ന് പരാതിയുമായി കര്ണ്ണാടക ഹൈക്കോടതിയെ സമീപിച്ചിരിക്കുകയാണ്.
കര്ണ്ണാടക ഹൈക്കോടതി ഫിബ്രവരി 14 തിങ്കളാഴ്ച കൂടി കേസില് വാദം കേള്ക്കും. കര്ണ്ണാടകയില് കോളെജുകള് ഫിബ്രവരി 16 നേ തുറക്കൂ എന്ന് മുഖ്യമന്ത്രി ബസവരാജ് ബൊമ്മൈ പറഞ്ഞു. 9,10 ക്ലാസുകള് ഫിബ്രവരി 14ന് തുറക്കും.
