തിരുവനന്തപുരം: സ്വര്ണ്ണക്കടത്ത് കേസുമായി ബന്ധപ്പെട്ട് നടന്ന എല്ലാ ക്രമക്കേടുകളും ശിവശങ്കറിന് അറിയാമായിരുന്നുവെന്ന് സ്വപ്ന സുരേഷ്. ഐടി വകുപ്പില് ജോലി വാങ്ങിത്തന്നത് ശിവശങ്കറായിരുന്നു. ഒറ്റ ഫോണ്കോളില് ജോലി ലഭിച്ചുവെന്നും അവര് സ്വപ്ന സുരേഷ് പറഞ്ഞു.
യൂണിടാക്കില് നടന്ന എല്ലാ ക്രമക്കേടുകളും ശിവശങ്കറിന് അറിയാമായിരുന്നു. തന്നെ നശിപ്പിച്ചതില് അദേഹത്തിന് മുഖ്യപങ്കുണ്ട്. രണ്ടുമാസത്തിലൊരിക്കല് അദേഹവും ഒരുമിച്ചുള്ള യാത്രപതിവായിരുന്നു. ബെംഗളൂരുവില് പതിവായി പോയി. താന് ബുക്ക് എഴുതിയാല് പലരും ഒളിവില് പോകേണ്ടിവരും. ശിവശങ്കര് തന്നെ ചൂഷണം ചെയ്തു.
യൂണിടാക്കിന്റെ നിര്ദേശം അനുസരിച്ചാണ് മൊബൈല്ഫോണ് നല്കിയത്. കോണ്സുലേറ്റില് നിന്ന് രാജിവെച്ചത് ശിവശങ്കറിന്റെ നിര്ദേശം അനുസരിച്ചാണ്. ശിവശങ്കര് ഇനി ഒരു പെണ്കുട്ടിയോടും ഇങ്ങനെ ചെയ്യരുതെന്നും അവര് അഭിമുഖത്തില് പറഞ്ഞു.
അശ്വത്ഥാമാവ് വെറും ഒരു ആന എന്ന പേരില് എം ശിവശങ്കര് ബുക്ക് എഴുതിയതോടെയാണ് സ്വപ്ന സുരേഷ് മാധ്യമങ്ങള്ക്ക് മുന്നില് എത്തിയത്. ന്നെ നശിപ്പിച്ചത് ശിവശങ്കരാണ്.മൂന്ന് വര്ഷത്തിലേറെയാണ് അദേഹം തന്റെ ജീവിതത്തിന്റെ ഭാഗമാണ് വി.ആര്.എസ് എടുത്ത് യുഎയില് ഒരുമിച്ച് താമസിക്കാമെന്ന് അദേഹം പറഞ്ഞിരുന്നു.. കേസ് ഉണ്ടാകുന്നതിന് മുന്പാണ് അദേഹം ഇക്കാര്യം പറഞ്ഞത്. വ്യക്തിപരമായ അടുപ്പംവച്ചാണ് തന്നോട് ഇതു പറഞ്ഞതെന്നും സ്വപ്ന പറഞ്ഞു. .
കസ്റ്റംസ് ബാഗേജ് തടഞ്ഞുവച്ചപ്പോള് ശിവശങ്കറെ വിളിച്ചു. ഇക്കാര്യം നോക്കാമെന്ന് ശിവശങ്കര് പറഞ്ഞെന്നും സ്വപ്ന പറഞ്ഞു. അനധികൃത ഇടപാടുകള് ശിവശങ്കര് അറിഞ്ഞുകൊണ്ടായിരുന്നു. ശിവശങ്കറിന്റെ ആത്മകഥ വായിച്ച ശേഷം കൂടുതല് പ്രതികരിക്കാം. യുഎഇ കോണ്സുലേറ്റിലെ അനധികൃത ഇടപാടുകള് ശിവശങ്കറിന് അറിയാം. അതിനാല് ജോലി മാറാന് അദ്ദേഹം നിര്ദേശിച്ചിരുന്നു. സ്പെയ്സ് പാര്ക്കില് ജോലി നേടിയതും ശിവശങ്കറിന്റെ നിര്ദേശപ്രകാരമാണ്. ഐ ഫോണ് കൊടുത്ത് ശിവശങ്കറിനെ ചതിച്ചെന്ന വാദം തെറ്റാണെന്നും സ്വപ്ന പറഞ്ഞു. ഒരു ഐ ഫോണ് നല്കി ഉന്നതനായ ഒരാളെ ചതിക്കേണ്ട കാര്യം തനിക്കില്ല. തന്നെ ചൂഷണം ചെയ്തു. താന് ഇരയാണെന്നു സ്വപ്ന പറഞ്ഞു. .
