മീററ്റ്: വിങ്ങിക്കരഞ്ഞ് വോട്ടഭ്യര്ഥിച്ച് കോണ്ഗ്രസ് സ്ഥാനാര്ഥി അര്ച്ചനാ ഗൗതം. ‘എന്നെ അവര് ആക്ഷേപിക്കുന്നു. ഞാനീ ഗ്രാമത്തിലാണ് ജനിച്ചുവളര്ന്നത്. നിങ്ങളുടെ കുട്ടിയെപ്പോലെ കണ്ട് എന്നെ പിന്തുണയ്ക്കണം. നിങ്ങള്ക്കുവേണ്ടി ഞാനെന്തെങ്കിലും ചെയ്യാനാഗ്രഹിക്കുന്നു. ഒരു പ്രാവശ്യം ഈ മകളെ ജയിപ്പിക്കൂ. ദ്രൗപദിയുടെ ശാപത്തില്നിന്ന് ഹസ്തിനപുരിയെ മോചിപ്പിക്കൂ…’ -തൊഴുകൈകളോടെ വിങ്ങിക്കരഞ്ഞ് വോട്ടഭ്യര്ഥിക്കുകയാണ് ഹസ്തിനപുരിയിലെ കോണ്ഗ്രസ് സ്ഥാനാര്ഥിയും യുവനടിയും മോഡലുമായ അര്ച്ചനാ ഗൗതം.
പടിഞ്ഞാറന് യു.പി.യിലെ ഹസ്തിനപുരിയില് സിറ്റിങ് എം.എല്.എ.യും യു.പി. ജലസേചന മന്ത്രിയുമായ ദിനേശ് ഖട്ടിക്കിനും ആര്.എല്.ഡി. സ്ഥാനാര്ഥി യോഗേഷ് വര്മയ്ക്കുമെതിരേയാണ് അര്ച്ചനയുടെ പോരാട്ടം. നവംബറിലാണ് അര്ച്ചന കോണ്ഗ്രസില് ചേര്ന്നത്. പുറത്തിറങ്ങാനിരിക്കുന്ന ‘തിങ്ക്’ എന്ന മലയാളസിനിമയിലും നാല് തമിഴ് സിനിമയിലും ഉള്പ്പെടെ അഭിനയിച്ച 26-കാരി 2014-ല് ‘മിസ് യു.പി.’യും, 2018-ല് ‘മിസ് ബിക്കിനി ഇന്ത്യ’യുമായിരുന്നു.
