സ്വാതന്ത്ര്യ സമരപ്രവര്ത്തകനും, മഹാത്മാഗാന്ധിജിയുടെസഹപ്രവര്ത്തകനും, മദന് മോഹന് മാളവ്യയുടെവിശ്വസ്തനും, ബനാറസ് ഹിന്ദു സര്വകലാശാലയുടെസെക്രട്ടറിയുമായിരുന്നു വി. എ. സുന്ദരം(വെല്ലാളൂര് അണ്ണസ്വാമി സുന്ദരം}. ദക്ഷിണേന്ത്യന് നഗരമായ കോയമ്പത്തൂരില് യാഥാസ്ഥിതിക തമിഴ് ബ്രാഹ്മണ കുടുംബത്തില് 1896 ഫെബ്രുവരി 2 ന്ജനനം
1915 ഏപ്രിലില് ഗാന്ധിജിയുടെ മദ്രാസിലെ ഒരു പ്രസംഗം കേട്ടപ്പോള് സുന്ദരം,തല്ക്ഷണം തന്റെ പഠനം ഉപേക്ഷിച്ച് ഗാന്ധിജിയെ ശിഷ്യനായി പിന്തുടരാന് തീരുമാനിച്ചു. ഗാന്ധിജി അദേഹത്തെ അഹമ്മദാബാദിലേക്ക് കൊണ്ടുപോയി. അവിടെ സബര്മതി ആശ്രമത്തില് കുറച്ചു നാള് തുടര്ന്നു.ഉപ്പ് സത്യാഗ്രഹം,നിയമ ലംഘന പ്രസ്ഥാനം തുടങ്ങിയ പ്രക്ഷോഭങ്ങളില് സജീവമാവുകയും, അവയുടെ ആശയങ്ങള് പ്രചരിപ്പിക്കുകയും ചെയ്തു. 1931ന്റെ തുടക്കത്തില് അദ്ദേഹം മദ്രാസില് അറസ്റ്റിലായി.
ഇന്ത്യയിലെ പല ഇംഗ്ലീഷ് പത്രങ്ങളിലും ലേഖനങ്ങളും,കത്തുകളും പ്രസിദ്ധീകരിച്ച് കൊണ്ട് സുന്ദരം സ്വാതന്ത്ര്യ സമരത്തില് തുടര്ന്നും സജീവമായി.വൈകാരികവും വികാര ഭരിതവുമായ ഭാഷയില് അവതരിപ്പിക്കപ്പെട്ട ഉയര്ന്ന ആദര്ശങ്ങളുടെയും, തീക്ഷ്ണമായ ദേശസ്നേഹത്തിന്റെയും സന്ദേശം നിറഞ്ഞ വാക്കുകള് അദ്ദേഹത്തെ അറിയപ്പെടുന്ന പൊതു പ്രഭാഷകനാക്കിമാറ്റി. അദ്ദേഹത്തിന്റെ ചില പ്രസംഗങ്ങള് ആകാശവാണിയില്പ്രക്ഷേപണം ചെയ്യപ്പെട്ടിട്ടുണ്ട്.
ഗാന്ധിജിയുടെ നിര്ദ്ദേശമനുസരിച്ച് ഇംഗ്ലണ്ട്, ഇറ്റലി,സ്വിറ്റ്സര്ലന്ഡ്, ഫ്രാന്സ്, ചെക്കോസ്ലോവാക്യ എന്നീ രാജ്യങ്ങളില് യാത്ര ചെയ്യുകയും,ലണ്ടനില് നടന്ന രണ്ടാം വട്ടമേശ സമ്മേളന സമയത്ത് ഗാന്ധിജിക്കൊപ്പം പങ്കെടുക്കുകയും ചെയ്തു.
മദന് മോഹന് മാളവ്യ എന്ന വിദ്യാഭ്യാസ വിചക്ഷണനോടൊപ്പം കേംബ്രിഡ്ജ്,ഓക്സ്ഫോര്ഡ്തുടങ്ങിയ സ്ഥാപനങ്ങളിലേക്കുള്ള പഠന യാത്രകളില് അദ്ദേഹത്തിന്റെ സാന്നിദ്ധ്യം ശ്രദ്ധേയമായിരുന്നു.
1926 ജനുവരിയില് ബനാറസ് സര്വ്വകലാശാലയിലേക്കുള്ള മാളവ്യയുടെ ക്ഷണം സ്വീകരിക്കുകയും 30 വര്ഷത്തോളം ബനാറസ് ഹിന്ദു സര്വ്വകാലശാലയില് സേവന നിരതനാവുകയും ചെയ്തു. 1967 മാര്ച്ച് 11 ന് ബോംബെയില് അദ്ദേഹം അന്തരിച്ചു.
