നാഗ് പുർ: ആർഎ സ്എസ് വാർഷിക ദിനമായ വിജയദശമി ദിനത്തിൽ സംഘടനയുടെ ആസ്ഥാനമായ നാഗ് പൂരിൽ നടന്ന സാംഘിക്കിൽ സംഘസന്ദേശം നൽകിയ സർ സംഘചാലക് ഡോ. മോഹൻ ഭാഗവത് ഗുരു തേജ് ബഹാദൂർ, മഹാത്മാ ഗാന്ധി, ലാൽ ബഹദൂർ ശാസ്ത്രി എന്നിവരേയും രാജ്യത്തിന് സ്വാവലംബനം നേടാൻ സമർപ്പണം നടയത്തിയ സർവരേയും അനുസ്മരിച്ച് പ്രണമിച്ചു. പ്രസംഗത്തിൽനിന്ന്:
‘വിജയദശമി ദിനത്തിൽ ഇന്ന് നമ്മൾ ഒത്തുകൂടി. രാഷ്‌ട്രീയ സ്വയംസേവക സംഘത്തിന്റെ പ്രവർത്തനങ്ങൾ ആരംഭിച്ചതിന്റെ നൂറാം വാർഷികമാണ് ഇന്ന്. യാദൃച്ഛികമായി, ഈ വർഷം ഗുരു തേജ് ബഹാദൂർ ജി മഹാരാജിന്റെ രക്തസാക്ഷിത്വത്തിന്റെ 350-ാം വാർഷികവും ആഘോഷിക്കുന്നു. വിദേശ മതത്തിൽ നിന്നുള്ള ആക്രമണകാരികളുടെ അതിക്രമങ്ങളിൽ നിന്ന് ഹിന്ദു സമൂഹത്തെ സംരക്ഷിക്കുന്നതിനായി അദ്ദേഹം ഒരു പരിചയായി മാറുകയും സ്വയം ത്യാഗം ചെയ്യുകയും ചെയ്തു. ഇംഗ്ലീഷ് കലണ്ടർ അനുസരിച്ച്, ഇന്ന് മഹാത്മാഗാന്ധിയുടെ ജന്മദിനമാണ്. നമ്മുടെ സ്വാതന്ത്ര്യത്തിനായി പോരാടിയവരിൽ മുൻനിരയിൽ ഒരാൾ മാത്രമല്ല, ഭാരതത്തിന്റെ സ്വ (സ്വത്വം) അടിസ്ഥാനമാക്കിയുള്ള സ്വാതന്ത്ര്യാനന്തര ഭാരതം വിഭാവനം ചെയ്തവരിൽ അദ്ദേഹത്തിന് ഒരു പ്രത്യേക സ്ഥാനവുമുണ്ട്. രാഷ്‌ട്രത്തിനുവേണ്ടി ജീവൻ ത്യജിച്ച മുൻ പ്രധാനമന്ത്രി ലാൽ ബഹാദൂർ ശാസ്ത്രിജിയുടെ ജന്മദിനം കൂടിയാണ് ഇന്ന്.
നമുക്കുവേണ്ടി നടത്തിയ സമർപ്പണത്തിന്റെയും രാഷ്‌ട്രസേവനത്തിന്റെയും മാതൃകാപരമായ പ്രതീകങ്ങളാണ് അവർ. ഒരു വ്യക്തിക്ക് യഥാർത്ഥ അർത്ഥത്തിൽ എങ്ങനെ മനുഷ്യനാകാമെന്നും അതിനനുസരിച്ച് ജീവിതം നയിക്കാമെന്നും അവർ നമ്മെ പഠിപ്പിക്കുന്നു,’ സർ സംഘചാലിക് പറഞ്ഞു.
