ന്യൂദല്ഹി: രാഹുല് ഗാന്ധിയുടെ സ്ഥിരം പരിപാടിയാണ് പോക്കറ്റില് ഇട്ടുനടക്കുന്ന ചുവപ്പും കറുപ്പും ബൈന്റ് ചെയ്ത ഭരണ ഘടന ഉയര്ത്തിപ്പിടിച്ച് പ്രസംഗിക്കല്. ഭരണഘടന അരച്ചുകലക്കിക്കുടിച്ച ബുദ്ധിരാക്ഷസനായ രാഷ്ട്രീയനേതാവിനെപ്പോലെയാണ് രാഹുല് ഗാന്ധി പ്രസംഗിക്കുക. നല്ല നാടകാഭിനയം.
പക്ഷെ അദ്ദേഹം ഒരിടത്ത് പ്രസംഗിച്ചത് ഇതാണ് : “ഭരണഘടനയെ വെറുത്തതിനാലാണ് ഗോഡ്സെ ഗാന്ധിയെ കൊലപ്പെടുത്തിയത്”. ചരിത്രം അറിയുന്നവര് ഇത് കേട്ട് ഞെട്ടി. കാരണം മോഹന്ദാസ് കരംചന്ദ് ഗാന്ധി എന്ന ഗാന്ധിജി 1948 ജനുവരിയിലാണ് കൊല്ലപ്പെട്ടത്. 1949 നവംബർ 15 ന് ഗോഡ്സെയെ തൂക്കിലേറ്റി. പക്ഷെ ഇന്ത്യന് ഭരണഘടന അംഗീകരിക്കപ്പെട്ടത് എന്നാണെന്നോ? 1949 നവംബർ 26 നാണ് ഇന്ത്യന് ഭരണഘടന അംഗീകരിക്കപ്പെട്ടത്. 1950ലാണ് ഭരണഘടന പ്രാബല്യത്തിൽ വന്നത്.
അപ്പോള് എങ്ങിനെയാണ് 1949 നവമ്പര് 15ന് തൂക്കിലേറ്റപ്പെട്ട ഗോഡ്സെ 1949 നവമ്പര് 26ന് അംഗീകരിക്കപ്പെട്ട ഭരണഘടനയുടെ പേരില് ഗാന്ധിജിയെ കൊല്ലുക. ഒരു പക്ഷെ ശ്മശാനത്തില് നിന്നും ഗോഡ്സെയുടെ ആത്മാവാണോ ഗാന്ധിയെ വധിക്കാന് എത്തിയത്?. ഗോഡ്സെ മരണപ്പെട്ട് 11 ദിവസം കഴിഞ്ഞ ശേഷം മാത്രം പ്രസിദ്ധീകരിക്കപ്പെട്ട ഇന്ത്യന് ഭരണഘടന വായിച്ച് ഗോഡ്സെ ഗാന്ധിജിയെ കൊന്നു എന്ന് പ്രസംഗിക്കാന് രാഹുല് ഗാന്ധിക്ക് മാത്രമേ കഴിയൂ. രാഹുല് ഗാന്ധിയുടെ മണ്ടത്തരം വിളമ്പുന്ന ഈ പ്രസംഗത്തിന്റെ വീഡിയോ വൈറലാണ്. പ്രതിപക്ഷനേതാവാകാന് ഇത്ര ചരിത്രബോധമേ വേണ്ടൂ എന്നാണ് പലരും ഉയര്ത്തുന്ന പരിഹാസം.
