കൊച്ചി: എല്ലാ ഭാഷകളിലും വച്ച് ആദ്യദിനംതന്നെ ഏറ്റവും കൂടുതല് സബ്സ്ക്രിപ്ഷന് വന്ന ചിത്രമായും ഏറ്റവും കൂടുതല് വാച്ച്ടൈമുള്ള രണ്ടാമത്തെ സിനിമയായും ( തെലുങ്ക് ചിത്രം അഹന്ത ഒന്നാമത്) ബ്രോ ഡാഡി(BroDaddy). പൃഥ്വിരാജ്( Prithviraj Sukumaran)സംവിധാനം ചെയ്ത ചിത്രത്തില് സൂപ്പര്താരങ്ങളായ മോഹന്ലാലിനും ( Mohanlal)പൃഥ്വിരാജിനുമൊപ്പം വലിയ താരനിരതന്നെ അണിനിരന്നത്. ചിത്രത്തെ കുടുംബപ്രേക്ഷകര് ഇരുകൈയ്യും നീട്ടിയാണ് സ്വീകരിച്ചിരിക്കുകയാണ്. ഒട്ടേറെ നര്മ മുഹൂര്ത്തങ്ങളാല് സമ്പന്നമായ ഈ കുടുംബപ്രണയ ചിത്രം പറയുന്നത് അസാധാരണമായ ഒരു അച്ഛന്മകന് കഥയാണ്. രണ്ട് സൂപ്പര് താരങ്ങളുടെ കോമഡിയും കെമിസ്ട്രിയും തന്നെയാണ് ചിത്രത്തിന്റെ ഏറ്റവും വലിയ പ്ലസ്. ആന്റണി പെരുമ്പാവൂര് നിര്മിച്ച ചിത്രത്തില് കല്ല്യാണി പ്രിയദര്ശന്, മീന, ലാലു അലക്സ്, ഉണ്ണിമുകുന്ദന്, കനിഹ തുടങ്ങിയവരെല്ലാം എത്തുന്നത് ശ്രദ്ധേയ വേഷങ്ങളിലാണ്.
റിലീസ് ദിനം തന്നെ എല്ലാ ഭാഷകളിലുമായി ഏറ്റവും കൂടുതല് വാച്ച് ടൈം നേടിയ രണ്ടാമത്തെ സിനിമയായി പുതിയ റെക്കോര്ഡ് സൃഷ്ടിച്ചിരിക്കുകയാണ് ഞങ്ങളുടെ പുതിയ ചിത്രം ബ്രോ ഡാഡിയെന്ന് ഡിസ്നി+ഹോട്ട്സ്റ്റാര് (Disney+ Hotstar )കണ്ടന്റ് ഹെഡ് ഗൗരവ് ബാനര്ജി അഭിപ്രായപ്പെട്ടു. ഡിസ്നി+ഹോട്ട്സ്റ്റാറിലൂടെ ലോകമൊട്ടാകെയുള്ള നിരവധി പ്രേക്ഷകര് സിനിമ കണ്ടുവെന്നും നല്ല സിനിമകള്ക്കും വിനോദത്തിനും ഭാഷ തടസമാകുന്നില്ലെന്നും അദ്ദേഹം കൂട്ടിച്ചേര്ത്തു.
നമ്മള് ഭാഗമായ സിനിമ പ്രേക്ഷകരെ ഏറെ വിസ്മയിപ്പിക്കുകയും ആസ്വദിപ്പിക്കുകയും ചെയ്തു എന്നറിയുന്നത് ഏറെ സന്തോഷം നല്കുന്ന അനുഭവമാണെന്നും ഡിസ്നി പ്ലസ് ഹോട്ട്സ്റ്റാറില് എല്ലാ ഭാഷകളിലുംവച്ച് ആദ്യദിനം ഏറ്റവും കൂടുതല് സബ്സ്ക്രിപ്ഷന് വന്ന സിനിമയായി ബ്രോ ഡാഡി മാറിയതില് എല്ലാവരോടും അതിയായ നന്ദിയെന്നും മോഹന്ലാല് അഭിപ്രായപ്പെട്ടു.
പ്രേക്ഷകരുടെ മുഖത്തു ഒരു പുഞ്ചിരി സമ്മാനിക്കുന്ന കഥയാണ് ബ്രോ ഡാഡിയെന്നും ഏറെ ആസ്വദിച്ച് ചെയ്ത് തീര്ത്ത ഒരു ഫണ് പ്രൊജക്റ്റാണ് ചിത്രമെന്നും സംവിധായകനും നടനുമായ പൃഥ്വിരാജ് പറഞ്ഞു. എല്ലാ ഭാഷകളിലും വച്ചു ആദ്യദിനം ഏറ്റവും കൂടുതല് വാച്ച് ടൈമുള്ള രണ്ടാമത്തെ ചിത്രമായും ഏറ്റവും കൂടുതല് സബ്സ്ക്രിപ്ഷന് വന്ന സിനിമയായും ബ്രോ ഡാഡി മാറിയതില് ഒരുപാട് സന്തോഷമുണ്ടെന്നും ഡിസ്നി+ഹോട്ട്സ്റ്റാറിന് ഒരുപാട് നന്ദിയെന്നും പൃഥ്വിരാജ് കൂട്ടിച്ചേര്ത്തു.
ചിത്രം പറയുന്നത് മധ്യ തിരുവിതാംകൂറിലെ രണ്ട് ക്രിസ്ത്യന് കുടുംബങ്ങള്ക്കിടയില് നടക്കുന്ന തീര്ത്തും വ്യത്യസ്തമായ ഒരു കഥയാണ്. കാറ്റാടി കുടുംബത്തിലെ ഈശോ ബാംഗ്ലൂരില് പരസ്യ ഏജന്സിയില് ക്രിയേറ്റീവ് ഹെഡാണ്. കുര്യന്റെ മകള് അതേ നഗരത്തില് ടെക്കിയുമാണ്. രണ്ട് കുടുംബങ്ങള് തമ്മില് നല്ല ബന്ധമാണെങ്കിലും ആരുമറിയാതെ ബാംഗ്ലൂരില് ലിവിങ് ടുഗദറായി കഴിയുകയാണ് ഈശോയും അന്നയും. ഈ കുടുംബങ്ങളില് പിന്നീട് നടക്കുന്ന അസാധാരണ സംഭവങ്ങളും പൊട്ടിച്ചിരിപ്പിക്കുന്ന നിരവധി മുഹൂര്ത്തങ്ങളുമാണ് ബ്രോ ഡാഡിയുടെ കാതല്.
ലോകമാകെയുള്ള ഏറ്റവും മികച്ച സിനിമകള്ക്കും സീരീസുകള്ക്കുമൊപ്പം ലൈവ് സ്പോര്ട്സ് കാഴ്ചകളും ഒരു പ്ലാറ്റ്ഫോമില് അണിനിരത്തിയാണ് ഡിസ്നി+ഹോട്ടസ്റ്റാര് പ്രേക്ഷകരുടെ ഏറ്റവും വലിയ എന്റര്ടെയിനിംഗ് ഒ.ടി.ടി.യാകുന്നത്. ആനുവല് സബ്സ്ക്രിപ്ഷനിലൂടെ പ്രേക്ഷകരിലേക്കെത്തുക ബുജ്: ദി െ്രെപഡ് ഓഫ് ഇന്ത്യ, ഹംഗാമ 2, നെട്രിക്കണ്ണ്, ദി ബിഗ് ബുള്, ലക്ഷ്മി, ലൂട്ട്കേസ് തുടങ്ങി ഏറ്റവും പുതിയ ചിത്രങ്ങളാണ്. ഒപ്പം ലോകോത്തര സിനിമകളുടെ ഹിന്ദി, തമിഴ്, തെലുഗ് ഡബ്ബ് വേര്ഷനുകളും ഇതിലൂടെ ആസ്വദിക്കാം. കൂടാതെ ലോകി, മിക്കി മൗസ്, മാര്വല് സൂപ്പര് ഹീറോകള് തുടങ്ങി കുട്ടികളുടെ പ്രിയപ്പെട്ട കഥാപാത്രങ്ങളുടെ സിനിമകളും സീരീസുകളുമെല്ലാം ഡിസ്നി+ഹോട്ടസ്റ്റാറില് ഉള്ക്കൊള്ളിച്ചിട്ടുണ്ട്.
