ന്യൂദല്‍ഹി: പ്രവര്‍ത്തനം ആരംഭിച്ച് മൂന്നു വര്‍ഷത്തിനുള്ളില്‍ ഉപഭോക്താക്കളുടെ എണ്ണം അഞ്ച് കോടി കടന്ന് രാജ്യത്തെ അതിവേഗം വളരുന്ന ഡിജിറ്റല്‍ പേയ്മെന്റ് ബാങ്കായി മാറിയെന്ന് ഇന്ത്യ പോസ്റ്റ് പേയ്മെന്റ്സ് ബാങ്ക് (ഐപിപിബി) അറിയിച്ചു. ഇന്ത്യ പോസ്റ്റ് പേയ്മെന്റ്സ് ബാങ്ക് 1.36 ലക്ഷം തപാല്‍ ഓഫീസുകളിലൂടെ ഡിജിറ്റല്‍, പേപ്പര്‍ലെസ് മോഡിലാണ് ഈ നേട്ടം കൈവരിച്ചത്. 1.47 ലക്ഷം വാതില്‍പ്പടി ബാങ്കിങ് സേവന ദാതാക്കളുടെ സഹായത്തോടെ 1.20 ലക്ഷം ഗ്രാമപ്രദേശങ്ങളിലാണ് ഈ തപാല്‍ ഓഫീസുകള്‍ പ്രവര്‍ത്തിക്കുന്നത്.
ഇതോടെ, 2,80,000 പോസ്റ്റ് ഓഫീസ് ജീവനക്കാരുടെ കഴിവുകള്‍ പ്രയോജനപ്പെടുത്തി ലോകത്തിലെ ഏറ്റവും വലിയ ഡിജിറ്റല്‍ ഫിനാന്‍ഷ്യല്‍ സാക്ഷരതാ പരിപാടി എന്ന നേട്ടമാണ് ഐപിപിബി കൈവരിച്ചത്. അക്കൗണ്ട് ഉടമകളില്‍ 48 ശതമാനവും സ്ത്രീകളാണ്. അവയില്‍ 98 ശതമാനവും വാതില്‍പ്പടി അക്കൗണ്ടുകളും. അക്കൗണ്ട് ഉടമകളില്‍ 41 ശതമാനത്തിലധികം പേരും 18 മുതല്‍ 35 വയസ്സു വരെയുള്ളവരാണ്.
പ്രതികരിക്കാൻ ഇവിടെ എഴുതുക: