ലഖ്നൗ: തെരഞ്ഞെടുപ്പ് പ്രഖ്യാപിച്ചതോടെ പ്രമുഖര് ബിജെപിയിലേക്ക് ഒഴുകിയെത്തുന്നു. സമാജ്വാദി പാര്ട്ടിയുടെ എംഎല്സി ഘനശ്യാം ലോധി, നേതാക്കളായ സുരേന്ദ്ര സിങ്, ഐഎഎസ് മുന് ഉദ്യോഗസ്ഥന് രാം ബഹാദൂര്, കാണ്പൂര് പോലീസ് മുന് കമ്മിഷണര് അസിം അരുണ് എന്നിവര് ഇന്നലെ ബിജെപിയില് ചേര്ന്നു.
കേന്ദ്രമന്ത്രി അനുരാഗ് താക്കൂറിന്റെയും ബിജെപി സംസ്ഥാന അധ്യക്ഷന് സ്വതന്ത്ര ദേവ് സിങ്ങിന്റെയും മറ്റു മുതിര്ന്ന നേതാക്കളുടെയും സാന്നിധ്യത്തിലാണ് ഇവര് ബിജെപി അംഗത്വമെടുത്തത്.
1994 ബാച്ച് ഐപിഎസ് ഓഫീസറായ അസിം കഴിഞ്ഞയാഴ്ചയാണ് ജോലി രാജിവച്ചത്. അതിനിടെ, സമാജ്വാദി, ബിഎസ്പി പാര്ട്ടികളില് നിന്ന് കൂടുതല് നേതാക്കള് ബിജെപിയിലെത്തുമെന്നാണ് സൂചന.
