ഈരാറ്റുപേട്ട: കുടുംബാരോഗ്യ കേന്ദ്രവളപ്പിലെ മരം കടപുഴകി വീണു. മൂന്നു വാഹനങ്ങള് തകര്ന്നു. മറിഞ്ഞുവീണ മരത്തിന്റെ ചില്ലകള് ദേഹത്ത് അടിച്ചു വാക്സിനെടുക്കാന് എത്തിയ ഒരു കുട്ടിക്കും നിസാര പരിക്കേറ്റു.
രാവിലെ ഒമ്പതരയോടെയായിരുന്നു സംഭവം. ആശുപത്രിയുടെ പ്രവേശന കവാടത്തിന് സമീപമുണ്ടായിരുന്ന മരമാണ് ചുവടെ മറിഞ്ഞുവീണത്. സമീപത്ത് പാര്ക്ക് ചെയ്തിരുന്ന ഇരുചക്ര വാഹനങ്ങള്ക്ക് മുകളിലേക്കാണ് മരം വീണത്. രണ്ടു സ്കൂട്ടറുകളും ഒരു ബൈക്കും തകര്ന്നു.
സംഭവസമയത്ത് ആശുപത്രി പരിസരത്ത് ആളുകളില്ലാതിരുന്നതിനാല് വലിയ അപകടം ഒഴിവായി.
