തിരുവനന്തപുരം: തിരുവനന്തപുരം മ്യൂസിക് ക്ലബ്ബ് -ടി എം സി- ഏര്പ്പെടുത്തിയ ആദ്യ ലൈഫ്ടൈം അച്ചീവ്മെന്റ് അവാര്ഡ് കവിയും ഗാനരചയിതാവും മുന് ചീഫ് സെക്രട്ടറിയുമായ കെ ജയകുമാറിന് സമ്മാനിച്ചു. സംഗീതരംഗത്തടക്കം സാംസ്ക്കാരിക രംഗത്തിനു നല്കിവരുന്ന സംഭാവനകള് പരിഗണിച്ചാണിത്. ടി എം സി ക്രിസ്മസ് പുതുവല്സര പരിപാടിയില് മുന് ഡിജിപി എ ഹേമചന്ദ്രന് പുരസ്ക്കാരം സമ്മാനിച്ചു.
ടി എം സി പ്രസിഡന്റ് ഡോ എം അയ്യപ്പന്, സംഗീത സംവിധായകന് റോണി റാഫെല്, ചെറിയാന്ഫിലിപ് തുടങ്ങിയവര് സംസാരിച്ചു. കെ ജയകുമാര് രചിച്ച് മാത്യു ഇട്ടി ചിട്ടപ്പെടുത്തിയ ടി എം സി തീം സോംഗും ചടങ്ങില് അവതരിപ്പിച്ചു. ടി എം സി സംഗീത സായാഹ്നം അരങ്ങേറി.
അമച്വര് ഗായകരുടെയും സംഗീതപ്രേമികളുടെയും കൂട്ടായ്മയാണ് തിരുവനന്തപുരം ആസ്ഥാനമായി പ്രവര്ത്തിക്കുന്ന ടി എം സി. പ്രതിമാസ സംഗീത പരിപാടികള് കൂടാതെ സംഗീതപരിശീലനം, അര്ഹരായ വിദ്യാര്ത്ഥികള്ക്ക് പഠന സഹായം, മെഡിക്കല് ക്യാംപുകള് എന്നിവയും ടി എം സി പരിപാടികളാണ്.
