കൊച്ചി : മണിക്കൂറുകളുടെ വ്യത്യാസത്തില് ആലപ്പുഴയില് രണ്ട് കൊലപാതകങ്ങള് നടന്നതില് രൂക്ഷ വിമര്ശനവുമായി ഹൈക്കോടതി. പോലീസ് അതിക്രമങ്ങളുമായി ബന്ധപ്പെട്ട കേസ് പരിഗണിക്കവേയാണ് കോടതിയുടെ ഈ പരാമര്ശം.
ആലപ്പുഴയില് എന്താണ് സംഭവിക്കുന്നത്. ഇവിടെ ഭ്രാന്തന്മാര് അഴിഞ്ഞാടുന്ന സ്ഥലമായി മാറിക്കഴിഞ്ഞു. വിഷയത്തില് ആശങ്ക പ്രകടിപ്പിച്ച കോടതി ജില്ലയിലിപ്പോള് വലിയ പ്രശ്നങ്ങളാണ് നടക്കുന്നതെന്നും അറിയിച്ചു. ജസ്റ്റിസ് ദേവന് രാമചന്ദ്രനാണ് ഇത്തരത്തില് പ്രതികരിച്ചത്.
12 മണിക്കൂറിന്റെ പശ്ചാത്തലത്തിലാണ് ആലപ്പുഴ ജില്ലയില് രണ്ട് കൊലപാതകങ്ങള് അരങ്ങേറിയത്. എസ്ഡിപിഐ പ്രവര്ത്തകന് കെ.എസ്. ഷാന്, ബിജെപി നേതാവും ഒബിസി മോര്ച്ച സംസ്ഥാന സെക്രട്ടറി രണ്ജീത് ശ്രീനിവാസന് എന്നിവരാണ് കൊല്ലപ്പെട്ടത്.
ഇതിനെ തുടര്ന്ന് ജില്ലയില് നിരോധനാജ്ഞ ഏര്പ്പെടുത്തിയെങ്കിലും ഇതെല്ലാം അവഗണിച്ച് ഞായറാഴ്ച രാത്രി ഗുണ്ടാകള് ആക്രമണം നടത്തിയതായും റിപ്പോര്ട്ടുണ്ട്. ആക്രമണത്തില് ഗുരുതരമായി പരിക്കേറ്റ് ആര്യാട് സ്വദേശി വിമല് ആശുപത്രിയില് ചികിത്സയിലാണ്.
