ബെംഗളൂരു: കര്ണാടകയില് ഒരാള്ക്കുകൂടി ഒമിക്രോണ് രോഗം സ്ഥിരീകരിച്ചു. ദക്ഷിണാഫ്രിക്കയില് നിന്നെത്തിയ 34 കാരനാണ് രോഗബാധ റിപ്പോര്ട്ട് ചെയ്തത്. സംസ്ഥാനത്തെ മൂന്നാമത്തെ ഒമിക്രോണ് കേസാണിത്. രോഗിക്ക് അഞ്ചുപേരുമായി നേരിട്ടും 15 പേരുമായി അല്ലാതെയും സമ്പര്ക്കം ഉണ്ട്. ഇവരുടെ സാംപിളുകള് പരിശോധനയ്ക്ക് അയച്ചതായാണ് റിപ്പോര്ട്ട്.
രാജ്യത്ത് ആദ്യമായി ഒമിക്രോണ് കേസ് സ്ഥിരീകരിച്ചതും കര്ണാടയിലാണ്. ദക്ഷിണാഫ്രിക്കന് സ്വദേശിക്കും ഒരു ഡോക്ടര്ക്കുമാണ് ആദ്യമായി ഒമിക്രോണ് സ്ഥിരീകരിച്ചത്. മഹാരാഷ്ട്രയിലും ഒരാള് രോഗം സ്ഥിരീകരിച്ചു. സംസ്ഥാനത്ത് നിലവില് 18 രോഗികളാണുള്ളത്.
രാജ്യത്ത് ഏറ്റവും കൂടുതല് ഒമിക്രോണ് രോഗികളുള്ളതും മഹാരാഷ്ട്രയിലാണ്. ആന്ധ്രാപ്രദേശിലും ഛണ്ഡിഗഡിലും ഇന്ന് ഓരോത്തര്ക്ക് വീതം ഒമിക്രോണ് സ്ഥിരീകരിച്ചത്തോടെ രാജ്യത്ത് ഇന്നുമാത്രം നാലുപേര്ക്കാണ് ഒമിക്രോണ് പിടിപ്പെട്ടത്. ഇന്ത്യയില് ഇതുവരെ 37 പേര്ക്ക് രോഗം സ്ഥിരീകരിച്ചു.
പ്രതികരിക്കാൻ ഇവിടെ എഴുതുക: