ബെംഗളൂരു: കര്ണാടകയില് ബിജെപി എംഎല്എയെ കൊലപ്പെടുത്താന് കോണ്ഗ്രസ് നേതാവ് ആസൂത്രണം നടത്തുന്നതിന്റെ വീഡിയോ പുറത്ത്. യെലഹങ്ക എംഎല്എ എസ്ആര് വിശ്വനാഥനെ വകവരുത്താന് കോണ്ഗ്രസ് നേതാവായ ഗോപാല്കൃഷ്ണ ആസൂത്രണം ചെയ്യുന്ന വീഡിയോയാണ് പുറത്തായത്. ഒരു മിനിറ്റോളം ദൈര്ഘ്യമുള്ള വീഡിയോ സാമൂഹ്യ മാധ്യമങ്ങളില് ഇതിനോടകം വൈറലായി.
ഗോപാല്കൃഷ്ണ മറ്റൊരാളുമായി സംസാരിക്കുന്നതാണ് വീഡിയോയില്. ‘എംഎല്എയെ ഫിനിഷ് ചെയ്തേക്ക്. അതിന് ഒരു കോടിയോ മറ്റോ ചെലവാകും. അത് ഓകെയാണ്. ആരും ഇത് അറിയരുത്. നമ്മള്ക്കിടയിലുള്ള കാര്യമാണ്’ എന്നും കോണ്ഗ്രസ് നേതാവ് ഗോപാല്കൃഷ്ണ വീഡിയോയില് പറയുന്നുണ്ട്.
എന്നാല് വീഡിയോ ഏത് കാലെത്തെയാണെന്ന് വ്യക്തമല്ലെന്ന് പോലീസ് പറഞ്ഞു. വീഡിയോ വൈറലായതിന് പിന്നാലെ സംഭവത്തെക്കുറിച്ച് അന്വേഷിക്കുമെന്ന് പോലീസ് അറിയിച്ചു. വിഷയത്തെ ഗൗരവത്തിലാണ് പോലീസ് എടുത്തിരിക്കുന്നതെന്നും കര്ണാടക ആഭ്യന്തരമന്ത്രി അരഗ ജ്ഞാനേന്ദ്ര പറഞ്ഞു. എംഎല്എയുമായി സംസാരിച്ചിരുന്നുവെന്നും അദ്ദേഹത്തിന് അധിക സുരക്ഷ നല്കുന്നതിനെക്കുറിച്ച് ആലോചിക്കുന്നുണ്ടെന്നും മന്ത്രി കൂട്ടിച്ചേര്ത്തു.
