ന്യൂദല്ഹി :കേരളത്തില് വര്ഷാവര്ഷം പ്രളയത്തില് ജനങ്ങള് ചര്ച്ച ചെയ്യുമ്പോള് ഇക്കാര്യം ചര്ച്ച ചെയ്യാന് രാജ്യസഭയില് സംസ്ഥാനത്തു നിന്നുള്ള എംപിമാര് ഇല്ല. ചൊവ്വാഴ്ച രാവിലെ വിഷയം രാജ്യസഭയില് ചര്ച്ചയ്ക്കെടുത്തപ്പോഴാണ് സഭയില് കേരളത്തില് നിന്നുള്ള എംപിമാര് ആരും ഇല്ലെന്ന കാര്യം തിരിച്ചറിയുന്നത്.
കേരളത്തിലെ പ്രളയവുമായി ബന്ധപ്പെട്ട പ്രശ്നങ്ങള് അവതരിപ്പിക്കാന് കേരള എംപിമാരെ ആരെയും കാണുന്നില്ലല്ലോ എന്ന് രാജ്യസഭാ ചെയര്മാന് എം. വെങ്കയ്യ നായിഡുവും സഭയില് അറിയിച്ചു. ആന്ധ്രയിലും തെലങ്കാനയിലും കര്ണാടകയിലും തമിഴ്നാട്ടിലും മാത്രമല്ല, കേരളത്തിലും പ്രളയക്കെടുതിയുണ്ടായി. എന്നാല് അതു പറയാന് ആരെയും ഇവിടെ കാണുന്നില്ല വെങ്കയ്യ നായിഡു പറഞ്ഞു.
കര്ഷകരുടെ പ്രശ്നം ഉന്നയിച്ച് കോണ്ഗ്രസ്, ഇടത്, യുപിഎ അംഗങ്ങള് ഇറങ്ങിപ്പോയപ്പോള് കേരളത്തില് നിന്നുള്ളവരും അക്കൂട്ടത്തിലുണ്ടായിരുന്നു. ഇതോടെ ആന്ധ്രയിലെ വെള്ളപ്പൊക്കത്തെപ്പറ്റി ചര്ച്ച ചെയ്യുകയാണെന്നും ദക്ഷിണേന്ത്യയിലെ പ്രളയ നഷ്ടം കേന്ദ്രസര്ക്കാരിന്റെ ശ്രദ്ധയില്പ്പെടുത്തേണ്ടതാണെന്നും നായിഡു പറഞ്ഞു.
