കോട്ടയം: ബ്രഹ്മമംഗലത്ത് ഒരു കുടുംബത്തിലെ നാലുപേര് ആസിഡ് കഴിച്ച് ആത്മഹത്യയ്ക്ക് ശ്രമിച്ചു. രണ്ടു പേര് മരിച്ചു. രണ്ടു പേര് അതീവ ഗുരുതരാവസ്ഥയില് കോട്ടയം മെഡിക്കല് കോളേജില് പ്രവേശിപ്പിച്ചിരിക്കുകയാണ്. കാലായില് സുകുമാരന്റെ ഭാര്യ സീന(54), മകള് സൂര്യ(27) എന്നിവരാണ് മരിച്ചത്. സുകുമാരനും മറ്റൊരു മകളും അതീവ ഗുരുതരാവസ്ഥയില് ചികിത്സയിലാണ്.
തങ്ങള് അസിഡ് കുടിച്ചുവെന്ന് ഇളയമകള് സുവര്ണ ഇളയച്ഛനെ അറിയിച്ചപ്പോഴാണ് സംഭവം പുറത്തറിയുന്നത്. തൊട്ടുപിന്നാലെ എത്തിയ മൂത്തമകൾ സൂര്യ വീട്ടുമുറ്റത്ത് കുഴഞ്ഞുവീണു. തുടർന്ന് നടത്തിയ പരിശോധനയിലാണ് സുകുമാരനെയും ഭാര്യ സീനയെയും വീടിനുള്ളിൽ അവശനിലയിൽ കണ്ടെത്തുകയായിരുന്നു. ഇന്നലെ രാത്രി 10.55നാണ് ആത്മഹത്യക്ക് ശ്രമിച്ചത്.
പിറവം സ്വദേശിയുമായി സൂര്യയുടെ വിവാഹം ഡിസംബര് 12ന് തീരുമാനിച്ചിരുന്നു. എന്നാല് വിവാഹം മാറ്റിവെക്കാന് വരന്റെ വീട്ടുകാര് ആവശ്യപ്പെട്ടിരുന്നു. ഇതില് മനം നൊന്താണ് ആത്മഹത്യ എന്നാണ് പറയപ്പെടുന്നത്. സാമ്പത്തികമായും കുടുംബം ഏറെ ബുദ്ധിമുട്ടീയിരുന്നതായി പറയപ്പെടുന്നു.
