ക്രീസിലേയ്ക്ക് വീണ്ടും തിരിച്ചെത്തുന്നതായി സൂചന നല്കി യുവരാജ് സിംഗ്. ഇന്സ്റ്റാഗ്രമിലൂടെയായിരുന്നു താരത്തിന്റെ ഒന്നും വ്യക്തമാക്കാതെയുള്ള പരാമര്ശം. ദൈവമാണ് വിധി നിശ്ചയിക്കുന്നത്. ആരാധകരുടെ ആവശ്യം മാനിച്ച് ഫെബ്രുവരിയോടെ താന് പിച്ചില് വീണ്ടും തിരികെയുത്തുമെന്നായിരുന്നു പ്രതികരണം.
നിങ്ങളുടെ സ്നേഹത്തിനും പിന്തുണയ്ക്കും നന്ദി. ഇന്ത്യന് ടീമിനെ പിന്തുണയ്ക്കുന്നത് തുടരുക. യഥാര്ത്ഥ ആരാധകര് അവരുടെ പിന്തുണ വിഷമഘട്ടത്തിലാണ് നല്കുന്നതെന്നും പോസ്റ്റ് ചെയ്ത വീഡിയോയ്ക്ക് കമന്റായി യുവരാജ് കുറിച്ചു.
39 വയസുകാരനായ യുവരാജ് സിംഗ് 2019 ജൂണിലാണ് അന്താരാഷ്ട്ര ക്രിക്കറ്റില് നിന്നും വിരമിക്കുന്നത്. 2017 ജൂണ് 30ന് വെസ്റ്റ് ഇന്റീസിനെതിരായ ഏകദിന മത്സരത്തിലാണ് യുവരാജ് അവസാനമായി ഇന്ത്യക്കുവേണ്ടി പാഡണിഞ്ഞത്. 2019 ല് മുംബൈ ഐപിഎല്ലില് ഇന്ത്യന്സ് ടീമിനായും കളിച്ചു.
2007 ലെ പ്രഥമ ടി20 ലോകകപ്പും 2013 ഏകദിന ലോകകപ്പും ഇന്ത്യ നേടുന്നതിന് നിര്മായക പങ്കുവഹിച്ചത് യുവരാജ് ആയിരുന്നു. രണ്ട് ലോകകപ്പുകളിലും മാന് ഓഫ് ദ ടൂര്ണമെന്റായും യുവിയെ തെരഞ്ഞെടുത്തു. 2007 ടി20 ലോകകപ്പില് ഇംഗ്ലണ്ടിനെതിരായി യുവരാജ് ഒരോവറില് 6 സിക്സ് അടിച്ചത് ഇന്നും ക്രിക്കറ്റിസെ നിമിഷങ്ങളിലൊന്നായി കണക്കാക്കപ്പെടുന്നു.
