തിരുവനന്തപുരം: കൊവിഡ് വ്യാപനത്തെ തുടര്ന്ന് അടച്ചിട്ടിരുന്ന സംസ്ഥാനത്തെ മള്ട്ടിപ്ലക്സ് ഉള്പ്പെടെയുള്ള സിനിമാ തിയേറ്ററുകള് തിങ്കളാഴ്ച മുതല് തുറക്കും. സാംസ്കാരിക മന്ത്രി സജി ചെറിയാനുമായി സിനിമാ സംഘടനകള് നടത്തിയ ചര്ച്ചയിലാണ് തീരുമാനം.
വിനോദ നികുതിയില് ഇളവ്, തിയേറ്റര് പ്രവര്ത്തിക്കാത്ത മാസങ്ങളിലെ കെ എസ് ഇ ബി ഫിക്സ്ഡ് ഡെപ്പോസിറ്റ് ഒഴിവാക്കണം, കെട്ടിട നികുതിയില് ഇളവ് തുടങ്ങിയ ആവശ്യങ്ങള് പരിഗണിക്കാമെന്ന് മന്ത്രി ഉറപ്പ് നല്കിയതായി സംഘടനാ പ്രതിനിധികള് വ്യക്തമാക്കി. തിയേറ്ററുകള് തിങ്കളാഴ്ച തുറക്കുമെങ്കിലും മലയാള സിനിമകളുടെ റിലീസ് വൈകാനാണ് സാധ്യത. ഇതരഭാഷ സിനിമകളായിരിക്കും തിങ്കളാഴ്ച പ്രദര്ശനത്തിനെത്തുക. മലയാള സിനിമകള് നവംബര് ആദ്യവാരം മുതല് ആയിരിക്കും എത്തുക.
