‘ഹാന്‍ഡ് ഓഫ് ഗോഡ്’ പ്രൊഡക്ഷന്‍സിനുവേണ്ടി റോബിന്‍ സാമുവല്‍ നിര്‍മിക്കുന്ന ഏറ്റവും പുതിയ ചിത്രം ‘ഹാനോക്കിന്റെ പുസ്തകം’ എന്ന ചിത്രത്തിന്റെ പൂജ ചെന്നൈയില്‍ നടന്നു. വെയിലന്‍ സംവിധാനം ചെയ്യുന്ന ചിത്രത്തില്‍ വിജയ് വിശ്വയാണ് പ്രധാന കഥാപാത്രത്തെ അവതരിപ്പിക്കുന്നത്.
ഇന്ന് നാം അനുഭവിക്കുന്ന കോവിഡിന് സമാനമായ ഒരു പകര്‍ച്ചവ്യാധി 100 വര്‍ഷങ്ങള്‍ക്ക് മുമ്പ് ഭൂമിയില്‍ ഉണ്ടായിരുന്നെന്നും, ‘ഇന്‍ഫ്‌ളുവന്‍സ വൈറസ്’ എന്ന പേരില്ലുള്ള ഈ രോഗം ഒട്ടനവധി മനുഷ്യരുടെ ജീവനാണ് കവര്‍ന്നതെന്നും, അന്ന് ഈ രോഗം മൂലം സമൂഹത്തിലുണ്ടായ മോശം സാഹചര്യവും മനുഷ്യരുടെ അസ്വസ്ഥമായ ജീവിതവും എല്ലാം പ്രേക്ഷകരിലേക്ക് എത്തിക്കാനാണ് ഹാനോക്കിന്റെ പുസ്തകത്തിലൂടെ വെയിലന്റെ ശ്രമം.
പ്രവീണ്‍ എസ്.എ ആണ് ചിത്രത്തിലെ മനോഹരമായ ഗാനങള്‍ ചിറ്റപ്പെടുത്തിയിരിക്കുന്നത്. ഛായാഗ്രഹണം- നിരണ്‍ ചന്ദര്‍. ചെന്നൈ, തിരുത്താണി, വെല്ലൂര്‍, ബാംഗ്ലൂര്‍ എന്നിവിടങ്ങളിലാണ് ചിത്രത്തിന്റെ ചിത്രീകരണം നശ്ചയിച്ചിരിക്കുന്നത്. വാര്‍ത്ത പ്രചരണം: പി.ശിവപ്രസാദ്.
