തിരുവനന്തപുരം : സംസ്ഥാനത്ത് സ്കൂളുകള് പുനരാരംഭിക്കുമ്പോള് ക്ലാസ്സുകള് ഉച്ചവരെ മാത്രമായിരിക്കും നടത്തുകയെന്ന് വിദ്യാഭ്യാസ വകുപ്പ് മന്ത്രി വി. ശിവന്കുട്ടി. പകരം ശനിയാഴ്ച പ്രവര്ത്തി ദിനമാക്കും. എല്പി ക്ലാസ്സില് ഒരു ബെഞ്ചില് രണ്ട് കുട്ടികളെ മാത്രമേ ഇരുത്തുകയുള്ളൂവെന്നും മന്ത്രി അറിയിച്ചു.
സംസ്ഥാനത്ത് സ്കൂള് തുറക്കുന്നതിനുള്ള ക്രമീകരണങ്ങള് നടന്നുവകരികയാണ്. സ്കൂളുകളെല്ലാം സാനിറ്റൈസ് ചെയ്യുന്നതിനുള്ള നടപടികള് സ്വീകരിക്കും. അധ്യാപകര്ക്കും അനധ്യാപകര്ക്കും വാക്സിനേഷന് ഉറപ്പുവരുത്തുമെന്ന് മന്ത്രി ഉറപ്പ് നല്കി.
ഓട്ടോറിക്ഷയില് പരമാവധി മൂന്ന് കുട്ടികളെ മാത്രം കയറ്റണം. വിദ്യാര്ത്ഥി കണ്സെഷന്റെ കാര്യത്തില് സ്വകാര്യ ബസ് ഉടമകളുമായി ഉടന് ചര്ച്ച നടത്തുമെന്നും മന്ത്രി പറഞ്ഞു. സംസ്ഥാനത്ത് നവംബര് ഒന്നു മുതല് സ്കൂളുകള് തുറക്കാനാണ് തീരുമാനം.
നിലവില് ഒന്നു മുതല് ഏഴ് വരെയുള്ള പ്രൈമറി ക്ലാസ്സുകളും 10, 12 ക്ലാസ്സുകളും നവംബര് ഒന്നു മുതല് തന്നെ തുടങ്ങും. ക്ലാസുകള് എങ്ങനെ വേണമെന്നത് സംബന്ധിച്ച കരട് മാര്ഗരേഖ ആയിക്കഴിഞ്ഞു. കോവിഡ് മാനദണ്ഡം പാലിച്ച് ഉച്ചഭക്ഷണവും നല്കും. പിടിഎ അതിനുള്ള നടപടികള് സ്വീകരിക്കും. ഫിറ്റ്നസ് ഇല്ലാത്ത സ്കൂളുകളിലെ കുട്ടികള്ക്ക് തൊട്ടടുത്ത സ്കൂളില് ക്ലാസ് ഉറപ്പാക്കുമെന്നും മന്ത്രി അറിയിച്ചു.
സ്കൂളില് നേരിട്ട് എത്തിച്ചേരാന് സാധിക്കാത്ത കുട്ടികള്ക്ക് നിലവിലുള്ള ഡിജിറ്റല് പഠനരീതി തുടരണമെന്നും സ്കൂളുകളില് രോഗലക്ഷണ പരിശോധന രജിസ്റ്റര് സൂക്ഷിക്കുകയും രോഗലക്ഷണമുള്ളവര്ക്ക് സിക്ക് റൂമുകള് ഒരുക്കണമെന്നും മാര്ഗരേഖയില് നിര്ദ്ദേശിക്കുന്നുണ്ട്. ഒരുമാസത്തേയ്ക്ക് ഹാജറും യൂണിഫോമും നിര്ബന്ധമല്ല. സ്കൂള് പഠനം തുടങ്ങി ആദ്യഘട്ടത്തില് പഠനഭാഗങ്ങള് ആയിരിക്കില്ല. വിദ്യാര്ത്ഥികള്ക്കായി ഓറിയന്റേഷന് ക്ലാസ്സുകള് ആയിരിക്കും അതിനുശേഷം മാത്രമേ പാഠ്യഭാഗങ്ങളിലേക്ക് കടക്കൂ.
