തിരുവനന്തപുരം: കേരളാ സര്‍വകലാശാലയുടെ പ്രവര്‍ത്തനം മാതൃകാപരമെന്ന് ഭക്ഷ്യ പൊതുവിതരണവകുപ്പ് മന്ത്രി ജിആര്‍ അനില്‍. കേരളത്തില്‍ ഒന്നാമത്തേതും എന്‍ഐആര്‍എഫ് റാങ്കിങ്ങില്‍ 27 -ാം സ്ഥാനത്താണ് സര്‍വകലാശാല. രാജ്യത്തെ മികച്ച സര്‍വ്വകാലാശാലയായി ഉയര്‍ത്തുന്നതിന് വേണ്ടി നടത്തുന്ന പരിശ്രമങ്ങള്‍ മാതൃകാ പരമെന്നും മന്ത്രി പറഞ്ഞു. കാര്യവട്ടം ക്യാംപസില്‍ പണിതീര്‍ത്ത 6ലക്ഷം ലിറ്റര്‍ സംഭരണ ശേഷയുള്ള ജല സംഭരണിയുടെ പ്രവര്‍ത്തനോദ്ഘാടനം നിര്‍വഹിക്കുകയായിരുന്നു മന്ത്രി.
കേരള സര്‍വ്വകാലാ ശാലയെ രാജ്യത്തെ ആദ്യത്തെ പത്ത് റാങ്കിംങ്ങില്‍ എത്തിക്കുന്നതിനുള്ള പ്രവര്‍ത്തനത്തിന് സര്‍വ്വകലാശാല സിന്‍ഡിക്കേറ്റിന് സംസ്ഥാന ഗവണ്‍മെന്റിന്റെ എല്ലാ സഹകരണവും മന്ത്രി വാഗ്ദാനം ചെയ്തു. വിദ്യാഭ്യാസം ആരോഗ്യം എന്നീ രംഗങ്ങളില്‍ സാമ്പത്തികം ഒരു പ്രശ്‌നമാകില്ലെന്നും. ഗുണമേന്‍യുള്ള ഭാവി തലമുറയെ വാര്‍ത്തെടുക്കുന്നതിന് സര്‍വ്വകാലാശാലകള്‍ക്ക് മുന്തിയ പരിഗണനയാണ് സര്‍ക്കാര്‍ നല്‍കുന്നതെന്നും മന്ത്രി പറഞ്ഞു.
