കളമശേരി: പട്ടികജാതിക്കാരനായ സിപിഐഎം ബ്രാഞ്ച് സെക്രട്ടറിയെ വീട്ടില് കയറി ഭീഷണിപ്പെടുത്തിയതായി പരാതി. ആലങ്ങാട് ഏരിയ കമ്മിറ്റിക്ക് കീഴിലെ കരുമല്ലൂര് ലോക്കല് കമ്മിറ്റിക്ക് കീഴില് വരുന്ന സിപിഐഎം തോപ്പ് ബ്രാഞ്ച് സെക്രട്ടറി ഉദയന് ടിവി യെയാണ് മറ്റൊരു ബ്രാഞ്ചിലെ പാര്ട്ടി മെബര് സിജു സിഎ വീട്ടില് കയറി ഭിഷണിപെടുത്തിയത്. ആലങ്ങാട് പോലീസ് സ്റ്റേഷനില് ഉദയന് പരാതി നല്കി.
തുടര്ച്ചയായി രണ്ട് പ്രാവശ്യം തോപ്പ് ബ്രാഞ്ച് സെക്രട്ടറിയായി പട്ടികജാതി വിഭാഗത്തില് നിന്നുള്ള ഉദയന് ടി.വി യാണ് തിരഞ്ഞെടുക്കപ്പെട്ടത്. ഇന്ന് തോപ്പ് ബാഞ്ച് സമ്മേളനം നടക്കാനിരിക്കെയാണ് മറ്റൊരു ബ്രാഞ്ചിലെ പാര്ട്ടി മെബറായ സിജു സി.എ വീട്ടില് കയറി ഭീഷണിമുഴക്കിയത്. പുലയനും പറയനും ഇനി പാര്ട്ടി സ്ഥാനത്തേക്ക് മത്സരിച്ചാല് ഉന്മൂലനം ചെയ്യുമെന്ന് ഭീണപെടുത്തുകയും. സിജുവിന്റെ ഭാര്യയെയും മാതപിതാക്കളെയും അസഭ്യം പറഞ്ഞതായി പരാതിയില് ആരോപിക്കുന്നു
കരുമല്ലൂര് ലോക്കല് സെക്രട്ടറിയും പട്ടികജാതി വിഭാഗത്തില് നിന്നുള്ളയാളാണ്. അടുത്ത മാസം മൂന്നിന് കരമല്ലൂര് ലോക്കല് സമ്മേളനം ചേരാനിരിക്കെയാണ് പാര്ട്ടിയിലെ പട്ടികജാതി വിഭാഗത്തില് നിന്നുള്ള നേതാക്കള്ക്കെതിരെ ഭീഷണി ഉയരുന്നത്.
