മഞ്ജുവാര്യര്‍ കേന്ദ്ര കഥാപാത്രത്തെ അവതരിപ്പിക്കുന്ന ആദ്യ മലയാളം-അറബിക് ചിത്രം ‘ആയിഷ’യുടെ ഫസ്റ്റ് ലുക്ക് പോസ്റ്റര്‍ പുറത്തിറക്കി. മഞ്ജുവിന്റെ ജന്മദിനത്തില്‍ ആരാധകര്‍ക്കുള്ള സമ്മാനമായാണ് പോസ്റ്റര്‍.
ദുല്‍ഖര്‍ സല്‍മാനാണ് പോസ്റ്റര്‍ റിലീസ് ചെയ്തത്. നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന സിനിമയില്‍ ആയിഷ എന്ന കഥാപാത്രത്തെയാണ് മഞ്ജു അവതരിപ്പിക്കുന്നത്. രചന ആഷിഫ് കക്കോടി. ഇന്തോ-അറബിക് പശ്ചാത്തലത്തിലൊരുങ്ങുന്ന കുടുംബ ചിത്രമാണ് ഇത്.
പൂര്‍ണ്ണമായും ഗള്‍ഫിലാണ് ചിത്രീകരണം. മലയാളത്തിനും അറബിക്കും പുറമെ ഇംഗ്ലീഷിലും ഏതാനും ഇതര ഇന്ത്യന്‍ ഭാഷകളിലും ചിത്രം റിലീസ് ചെയ്യും. മഞ്ജുവാര്യരുടെ നാല്‍പ്പത്തിമൂന്നാം പിറന്നാള്‍ ആഘോഷിക്കുകയാണ് ആരാധകര്‍.
