കൊല്ലം: കേരള സര്വകലാശാലയ്ക്ക് വിദ്യാധിരാജ ചട്ടമ്പിസ്വാമികളുടെ പേര് നല്‍കണമെന്നും തലസ്ഥാനത്ത് സ്വാമികള്‍ക്ക് ഉചിതമായ സ്മാരകം നിര്‍മിക്കണമെന്നും മന്നം സാംസ്‌ക്കാരിക സമിതി ആവശ്യപ്പെട്ടു.
ചട്ടമ്പിസ്വാമി ജയന്തി അനുസ്മരണ സമ്മേളനത്തിന്റെ സംസ്ഥാന തല ഉദ്ഘാടനം ഓണ്‍ലൈനായി എന്‍എസ്എസ് മുന്‍ വൈസ് പ്രസിഡന്റ് വി.പി. ഹരിദാസ് ഒറ്റപ്പാലം നിര്‍വഹിച്ചു. ജനറല്‍ സെക്രട്ടറി അയര്‍ക്കുന്നം രാമന്‍നായര്‍ അധ്യക്ഷനായി. സമിതിയുടെ നേതൃത്വത്തില്‍ വിവിധ ജില്ലകളില്‍ നടന്ന ചട്ടമ്പിസ്വാമി അനുസ്മരണ സമ്മേളനം പ്രൊഫ. ശ്രീവത്സന്‍ നമ്പൂതിരി (തിരുവനന്തപുരം), ചവറ സുരേന്ദ്രന്‍ പിള്ള (കൊല്ലം), തുറവൂര്‍ ടി.ജി. പത്മനാഭന്‍ നായര്‍ (ആലപ്പുഴ), എസ്. ജി.ശിവകുമാര്‍ പത്തനാപരം (പത്തനംതിട്ട), പ്രൊഫ.സതീദേവി (ഇടുക്കി), അഡ്വ. രാധാകൃഷ്ണന്‍ (കൊച്ചി), പി.എം. തങ്കം (വയനാട്), പ്രൊഫ.എന്‍. രാജശേഖരന്‍ നായര്‍ (തൃശൂര്‍) എന്നിവര്‍ ഉദ്ഘാടനം ചെയ്തു.
