ന്യൂദല്ഹി: കോവിഡ് പ്രതിരോധ കുത്തിവയ്പ്പില് സുപ്രധാന നാഴികക്കല്ലു പിന്നിട്ട് ഭാരതം. കഴിഞ്ഞ 24 മണിക്കൂറിനിടെ രാജ്യത്താകെ നല്കിയത് 50 ലക്ഷത്തോളം ഡോസ് വാക്സിന്. ഇന്ന് രാവിലെ എട്ട് മണിവരെയുള്ള താല്ക്കാലിക റിപ്പോര്ട്ട് അനുസരിച്ച് 58,08,344 സെഷനുകളിലൂടെ ആകെ 50,10,09,609 വാക്സിന് ഡോസുകളാണ നല്കിയത്.
രാജ്യത്ത് എല്ലാപേര്ക്കും കോവിഡ്19 പ്രതിരോധ കുത്തിവയ്പു നല്കുന്ന പ്രക്രിയയുടെ പുതിയ ഘട്ടത്തിന് 2021 ജൂണ് 21നാണ് തുടക്കമായത്. നിലവിലത്തെ കണക്കുകള് പ്രകാരം ആരോഗ്യപ്രവര്ത്തകരില് 1,03,28,986 പേര് ഒന്നാം ഡോസും, 79,53,278 പേര് രണ്ടാം ഡോസ് വാക്സിനും സ്വീകരിച്ചു. മുന്നണിപ്പോരാളികളില് 1,82,06,470 പേര് ഒന്നാം ഡോസും, 1,16,55,584 പേര് രണ്ടാം ഡോസ് വാക്സിനും സ്വീകരിച്ചു.
18-44 പ്രായപരിധിയിലുള്ളവരില് 17,26,01,639 പേര് ഒന്നാം ഡോസും, 1,12,87,774 പേര് രണ്ടാം ഡോസ് വാക്സിനും സ്വീകരിച്ചു. 45-59 പ്രായപരിധിയിലുള്ളവരില് 11,08,54,315 പേര് ഒന്നാം ഡോസും, 4,19,57,311 പേര് രണ്ടാം ഡോസ് വാക്സിനും സ്വീകരിച്ചു. അതേസമയം 60നുമേല് പ്രായമുള്ള മുതിര്ന്ന പൗരരില് 7,80,50,150 പേരാണ് ഒന്നാം ഡോസ് വാക്സിന് സ്വീകരിച്ചത്. 3,81,14,102 പേര് രണ്ടാം ഡോസും സ്വീകരിച്ചു
രാജ്യത്തെ രോഗമുക്തി നിരക്ക് നിലവില് 97.37% ആണ്. കഴിഞ്ഞ 24 മണിക്കൂറിനിടെ പുതുതായി രോഗം സ്ഥിരീകരിച്ചത് 38,628 പേര്ക്കാണ്. നിലവില് 4,12,153 പേരാണ് ചികിത്സയിലുള്ളത്. ഇത് ആകെ രോഗബാധിതരുടെ 1.29% ആണ്. പ്രതിദിന രോഗസ്ഥിരീകരണ നിരക്ക് 2.21% ആണ്. തുടര്ച്ചയായ 12ാം ദിവസവും ഇത് മൂന്നു ശതമാനത്തില് താഴെയാണ്.
രാജ്യത്താകെ ഇതുവരെ 3,10,55,861 പേരാണ് കോവിഡ് മുക്തരായത്. കഴിഞ്ഞ 24 മണിക്കൂറിനുള്ളില് 40,017 പേര് സുഖം പ്രാപിച്ചു.തുടര്ച്ചയായ 41ാം ദിവസവും 50,000ത്തില് താഴെയാണ് പുതിയ പ്രതിദിന രോഗബാധിതരുടെ എണ്ണം. രാജ്യത്തെ പരിശോധനാ ശേഷി ഗണ്യമായി വര്ദ്ധിപ്പിച്ചതോടെ കഴിഞ്ഞ 24 മണിക്കൂറിനുള്ളില് 17,50,081 പരിശോധനകള് നടത്തി. ആകെ 47.83 കോടിയിലേറെ (47,83,16,964) പരിശോധനകളാണ് ഇന്ത്യ ഇതുവരെ നടത്തിയത്.
പരിശോധനകള് വര്ധിപ്പിച്ചപ്പോള് പ്രതിവാര രോഗസ്ഥിരീകരണ നിരക്ക് നിലവില് 2.39 ശതമാനവും പ്രതിദിന രോഗസ്ഥിരീകരണ നിരക്ക് ഇന്ന് 2.21 ശതമാനവുമാണ്. പ്രതിദിന രോഗസ്ഥിരീകരണ നിരക്ക് തുടര്ച്ചയായ 12ാം ദിവസവും മൂന്നുശതമാനത്തില് താഴെയും തുടര്ച്ചയായ 61ാം ദിവസവും അഞ്ച് ശതമാനത്തില് താഴെയും തുടരുന്നു.
