ടോക്കിയോ: ഒളിമ്പിക്സ് ഹോക്കി സെമിയില് ബെല്ജിയത്തിനെതിരായ തോല്വിയില് നിരാശപ്പെട്ടിരിക്കാന് സമയമില്ല. ഇനി വെങ്കലത്തിനായി പൊരുതാനുള്ള തയ്യാറെടുപ്പിലാണെന്ന് ഇന്ത്യയുടെ മലയാളി ഗോള് കീപ്പര് പി.ആര്. ശ്രീജേഷ്. വ്യാഴാഴ്ചയാണ് ലൂസേഴ്സ് ഫൈനല്.
വിജയിക്കുമെന്ന് ഉറച്ച വിശ്വാസത്തിലാണ് ഞങ്ങള് കളിച്ചത്. എന്നാല് നിര്ഭാഗ്യവശാല് വിജയം നേടാനായില്ല. ഇനി വെങ്കലം നേടാനായി ശ്രമിക്കണം. കഠിനാദ്ധ്വാനം ചെയ്താല് മെഡല് ഉറപ്പാക്കാമെന്ന്് ശ്രീജേഷ് പറഞ്ഞു.
ദീര്ഘ കാലത്തിനുശേഷം സെമിയിലെത്തിയത് തന്നെ വലിയ നേട്ടമാണ്. ഇനി ലൂസേഴ്സ് ഫൈനലില് ശ്രദ്ധകേന്ദ്രീകരിക്കണം. രാജ്യത്തിനായി വെങ്കലമെങ്കിലും നേടണമെന്ന്് ഇന്ത്യന് ക്യാപ്റ്റന് മന്പ്രീത്് പറഞ്ഞു.
നാല്പ്പത്തിയൊന്ന് വര്ഷത്തിനുശേഷം ഒളിമ്പിക്സ് ഹോക്കി സെമിയിലെത്തിയ ഇന്ത്യയെ ലോക ചാമ്പ്യന്മാരായ ബെല്ജിയം രണ്ടിനെതിരെ അഞ്ചു ഗോളുകള്ക്കാണ് പരാജയപ്പെടുത്തിയത്.
