ന്യൂദല്ഹി: ദേശീയ തലത്തില്, 21.91 കോടി (92.8%) റേഷന് കാര്ഡുകളും, 70.94 കോടി (90%) എന്എഫ്എസ്എ ഗുണഭോക്താക്കളെയും ആധാറുമായി ബന്ധിപ്പിക്കുന്ന പ്രക്രിയ സംസ്ഥാനങ്ങള്/കേന്ദ്ര ഭരണ പ്രദേശങ്ങള് പൂര്ത്തിയായി. കേന്ദ്ര ഉപഭോക്തൃ കാര്യ, ഭക്ഷ്യ, പൊതുവിതരണ വകുപ്പ് സഹമന്ത്രി സാധ്വി നിരഞ്ജന് ജ്യോതി രാജ്യസഭയില് രേഖാമൂലം നല്കി മറുപടിയിലാണ് ഇക്കാര്യം വ്യക്തമാക്കിയത്. 2021 ജൂണ് മാസം 23 വരെ രാജ്യത്ത് ഏകദേശം 4.98 ലക്ഷം (92.7%) ന്യായവില കേന്ദ്രങ്ങളില് ഇപോസ് ഉപകരണങ്ങള് ഉണ്ട്.
ദേശീയ ഭക്ഷ്യസുരക്ഷാ നിയമം 2013 (എന്എഫ്എസ്എ) ആനുകൂല്യങ്ങള് രാജ്യവ്യാപകമായി ലഭ്യമാക്കുന്നതിനുള്ള ‘വണ് നേഷന് വണ് റേഷന് കാര്ഡ്’ (ഒഎന്ഒ ആര്സി) പദ്ധതി നിലവില് 33 സംസ്ഥാനങ്ങളില് / കേന്ദ്രഭരണപ്രദേശങ്ങളിലെ 86.7% എന്എഫ്എസ്എ ഗുണഭോക്താക്കളെ (ഏകദേശം 69 കോടി എന്എഫ്എസ്എ ഗുണഭോക്താക്കള്) ഉള്പ്പെടുത്തി ലഭ്യമാക്കിയിട്ടുണ്ട്.
കേരളത്തില്, റേഷന് കാര്ഡുകള് ആധാറുമായി ബന്ധിപ്പിക്കുന്നത് 100 ശതമാനവും, ഗുണഭോക്താക്കളുടെ ആധാര് സീഡിംഗ് 96 ശതമാനവും, ന്യായവില ഷോപ്പ് ഓട്ടോമേഷന് 100 ശതമാനവും പൂര്ത്തിയാക്കി.
