തിരുവനന്തപുരം: 4.12 ലക്ഷം വിദ്യാര്ഥികള് പരീക്ഷയെഴുതിയ എസ്എസ്എല്സി ഫലം ബുധനാഴ്ച(ജൂലൈ 14) പ്രഖ്യാപിക്കും. ബുധനാഴ്ച ഉച്ചയ്ക്ക് 2ന് പിആര്ഡി ചേംബറില് വിദ്യാഭ്യാസ മന്ത്രി വി. ശിവന്കുട്ടി ഫലം പ്രഖ്യാപിക്കും. പരീക്ഷാഫലത്തിന് അംഗീകാരം നല്കാന് ചെവ്വാഴ്ച പരീക്ഷാ ബോര്ഡ് യോഗം ചേരുന്നുണ്ട്.
ഏപ്രില് 8ന് തുടങ്ങിയ പരീക്ഷ 28നാണ് അവസാനിച്ചത്. ഇതോടൊപ്പം തന്നെ ടിഎച്ച്എസ്എല്സി, ടിഎച്ച്എസ്എല്സി (ഹിയറിംഗ് ഇംപേര്ഡ്), എസ്എസ്എല്സി (ഹിയറിങ് ഇംപേര്ഡ്), എഎച്ച്എസ്എല്സി എന്നീ പരീക്ഷകളുടെ ഫലവും പ്രഖ്യാപിക്കും
