പാലക്കാട്: ഓണ്ലൈന് പഠനത്തിന് മൊബൈല്ഫോണ് ഇല്ലാതെ ബുദ്ധിമുട്ടുകയാണെന്ന് നേരിട്ട് വിളിച്ച് അറിയിച്ച വിദ്യാര്ത്ഥിനിക്ക് ഫോണ് എത്തിച്ച് നല്കി ബിജെപി നേതാവ് ശോഭാ സുരേന്ദ്രന്. കൊല്ലങ്കോട്ടുള്ള നിര്ധന കുടുംബത്തിലെ ആറാം ക്ലാസ് വിദ്യാര്ത്ഥിനിയാണ് തന്റെ പരിതാപകരമായ അവസ്ഥ ശോഭാ സുരേന്ദ്രനെ അറിയിച്ചത്.
ശോഭാ സുരേന്ദ്രന്റെ നിര്ദ്ദേശാനുസരണം പാര്ട്ടി പ്രവര്ത്തരായ മുരളി, അരവിന്ദ്, പ്രതീഷ്, വരുണ് എന്നിവര് ചേര്ന്ന് കൊല്ലങ്കോട്ട മൊബൈല്ക്കടയില് നിന്ന് സ്മാര്ട്ട് ഫോണ് വാങ്ങി പെണ്കുട്ടിയുടെ വീട്ടിലെത്തിച്ച് നല്കുകയായിരുന്നു. ഫോണിന്റെ വില കടക്കാരന് ശോഭാ സുരേന്ദ്രന് ഓണ്ലൈനായി തന്നെ നല്കി. തുടര്ന്ന് പ്രവര്ത്തകര് കൈമാറിയ ഫോണില് നിന്ന് പെണ്കുട്ടി ശോഭാ സുരേന്ദ്രനെ വിളിച്ച് നന്ദി അറിയിച്ചു. നന്നായി പഠിക്കണമെന്ന ഉപദേശവും വിജയാംശംസകളും കുട്ടിക്ക് ശോഭാ നേര്ന്നു.
നേരത്തെ, ഓണ്ലൈന് പഠനത്തിനായുള്ള മൊബൈല് ഫോണിനായി പാലാക്കാട്ടുനിന്ന് കൊല്ലം എംഎല്എയും നടനുമായ മുകേഷിനെ വിളിച്ച കുട്ടിയെ അദേഹം അധിക്ഷേപിച്ചത് വിവാദമായിരുന്നു. ഈ ശബ്ദരേഖ സോഷ്യല് മീഡിയയില് പരക്കുകയും പാര്ട്ടിക്ക് തന്നെ നാണക്കേടാവുകയും ചെയ്തിരുന്നു. തുടര്ന്ന് സിപിഎം നേതൃത്വം തന്നെ വിവാദം ഒതുക്കി തീര്ക്കുകയായിരുന്നു.
