ന്യൂദല്ഹി: ഏറ്റുമുട്ടലുകള്ക്കിടയില് സൗഹൃദം പുതുക്കി മമതാ ബാനര്ജി പ്രധാനമന്ത്രി മോദിയ്ക്ക് ബംഗാളിലെ വിശിഷ്ട മാമ്പഴം അയച്ചുനല്കി. ഹിമസാഗര്, മാല്ഡ, ലക്ഷ്മണ്ഭോഗ് എന്നീ ഇനങ്ങളില്പ്പെട്ട മാങ്ങകളാണ് മമത ബാനര്ജി പ്രധാനമന്ത്രിക്ക് അയച്ചുകൊടുത്തത്.
ബംഗാള് മുഖ്യമന്ത്രിയായി അധികാരത്തിലെത്തിയ 2011ല് തുടങ്ങിയ പതിവിന്റെ ഭാഗമായാണ് മമത പുതിയ സമ്മാനം പ്രധാനമന്ത്രിക്ക് അയച്ചത്. ബിജെപിയും തൃണമൂലും തമ്മില് നിയമസഭാ തെരഞ്ഞെടുപ്പിന് ശേഷവും അതിരൂക്ഷമായി ഏറ്റുമുട്ടുന്നതിനിടയിലാണ് മമതയുടെ പുതിയ സൗഹൃദനീക്കം.
ആഭ്യന്ത്രമന്ത്രി അമിത് ഷായ്ക്കും മാമ്പഴം അയച്ചുകൊടുത്തിട്ടുണ്ട്. സാധാരണ പ്രധാനമന്ത്രി മോദിയ്ക്ക് വിശേഷപ്പെട്ട കുര്ത്തകള് അയയ്ക്കുന്ന പതിവ് മമതയ്ക്കുണ്ടായിരുന്നു. ഇത് 2019ല് മോദി വെളിപ്പെടുത്തുമ്പോള് ലോകം അത്ഭുതത്തോടെയാണ് ഇത് കേട്ടത്. കാരണം രാഷ്ട്രീയ ഗോദയില് വിട്ടുവീഴ്ചയില്ലാതെ കൊമ്പുകോര്ക്കുന്ന രണ്ട് പേര്ക്കിടയില് ഇത്രയും മധുരതരമായ സൗഹൃദം കേട്ടുകേള്വിയില്ലാത്തതാണ്. ചിലപ്പോള് മമത മുധരപ്പലഹാരങ്ങളും അയയ്ക്കാറുണ്ട്.
