ന്യൂദല്ഹി: പുതിയ പാര്ലമെന്റ് സമുച്ചയം സെന്ട്രല് വിസ്തയുടെ നിര്മാണം തടയണമെന്നാവശ്യപ്പെട്ടുള്ള ഹര്ജി ദില്ലി ഹൈക്കോടതി തള്ളി. സെന്ട്രല് വിസ്ത രാജ്യത്തിന് സുപ്രധാനമാണെന്നും നിര്മാണം യഥേഷ്ടം തുടരണെന്നും ജസ്റ്റിസുമാരായ ഡി.എന്. പട്ടേലും ജ്യോതി സിങ്ങും ഉത്തരവിട്ടു. കോവിഡ് രോഗ വ്യാപനം വര്ധിക്കുമെന്ന് ചൂണ്ടിക്കാട്ടിയാണ് ചരിത്രകാരന് സൊഹൈല് ഹാഷ്മി, വിവര്ത്തക അന്യ മല്ഹോത്ര എന്നിവര് ഹര്ജി സമര്പ്പിച്ചത്. ഈ ഹര്ജി തള്ളുകയും ഹര്ജിക്കാര്ക്ക് ഒരു ലക്ഷം രൂപ പിഴ ചുമത്തുകയും ചെയ്തു.
തലസ്ഥാനത്തെ നിര്മാണ പ്രവര്ത്തനങ്ങള് ഇന്നുമുതല് തുടങ്ങാമെന്ന് ഡല്ഹി സര്ക്കാര് വ്യക്തമാക്കിയിരുന്നു. നിര്മാണ പ്രവര്ത്തനങ്ങള്ക്ക് ലോക്ക്ഡൗണില് ഇളവ് നല്കിയ സാഹചര്യത്തില് ഹൈക്കോടതിയുടെ ഈ വിധി നിര്മാണ പ്രവര്ത്തനത്തിനു സുപ്രധാനമായിരുന്നു.
രോഗ വ്യാപനം വര്ധിക്കുമെന്ന് ചൂണ്ടിക്കാട്ടിയാണ് ചരിത്രകാരന് സൊഹൈല് ഹാഷ്മി, വിവര്ത്തക അന്യ മല്ഹോത്ര എന്നിവര് ഹര്ജി സമര്പ്പിച്ചത്. എന്നാല് കോവിഡ് മാനദണ്ഡങ്ങള് പാലിച്ചുകൊണ്ടാണ് നിര്മാണ പ്രവര്ത്തനങ്ങള് നടക്കുന്നതെന്നും പിഴയോട് കൂടി ഹര്ജികള് തള്ളണമെന്നും കേന്ദ്രസര്ക്കാര് ഹൈക്കോടതിയെ നിലപാട് അറിയിച്ചിരുന്നു. തൊഴിലാളികളെ ഒരാളെ പോലും പദ്ധതി പ്രദേശത്തു നിന്ന് പുറത്തുപോകാന് അനുവദിച്ചിരുന്നില്ല. രാജ്യ തലസ്ഥാനത്തെ സെന്ട്രല് വിസ്ത പ്രൊജക്ടില് പുതിയ പാര്ലമെന്റ് മന്ദിരം അടക്കമാണ് നിര്മിക്കുന്നത്.
