ന്യൂദല്ഹി : രാജ്യത്തെ കോവിഡ് വ്യാപനം സംബന്ധിച്ച് ചര്ച്ച നടത്തുന്നതിനായി പ്രധാനമന്ത്രി വിളിച്ചു ചേര്ത്ത യോഗം ഇന്ന്. രാജ്യത്തെ പ്രതിദിന കോവിഡ് രോഗികളുടെ എണ്ണം കുറഞ്ഞുവരുന്ന സാഹചര്യത്തിലാണ് പ്രധാമന്ത്രി യോഗം വിളിച്ചിരിക്കുന്നത്. ഗ്രാമീണ മേഖലയിലെ സ്ഥിതിഗതികള് വിലയിരുത്തുന്നതിനായി ജില്ലാ കളക്ടര്മാരുമായും അദ്ദേഹം ചര്ച്ച നടത്തും.
ഗ്രാമീണ മേഖലയിലെ കോവിഡ് വ്യാപന സാധ്യത കണക്കിലെടുത്ത് കൂടുതല് നിയന്ത്രണങ്ങള് ഏര്പ്പെടുത്തണമെന്ന് പ്രധാനമന്ത്രി നേരത്തെ നിര്ദ്ദേശം നല്കിയിരുന്നു. വീടുവീടാന്തരം നിരീക്ഷണവും രോഗ നിര്ണ്ണയവും കാര്യക്ഷമമായി നടത്താന് അങ്കണവാടി, ആശ വര്ക്കര്മാരെ പ്രതിരോധ പ്രവര്ത്തനങ്ങളുടെ ഭാഗമാക്കണമെന്നും പ്രധാനമന്ത്രി ആവശ്യപ്പെട്ടിരുന്നു. ഇന്ന് ചേരുന്ന യോഗത്തില് മുഖ്യമന്ത്രിമാരും പങ്കെടുക്കും.
രാജ്യത്ത് കോവിഡ് വ്യാപനം കുറഞ്ഞുവരികയാണ്. പ്രതിദിന കോവിഡ് കേസുകള് തിങ്കളാഴ്ചയും 3 ലക്ഷത്തിന് താഴെയായിരുന്നു. തുടര്ച്ചയായി രണ്ടാം ആഴ്ചയാണ് കോവിഡ് വ്യാപനത്തില് കുറവുള്ളത്.
