ടൂറിന്: ഈ സീസണിലെ സീരീ എ കിരീടം സ്വന്തമാക്കിയ ഇന്റര് മിലാനെ ആവേശപ്പോരാട്ടത്തില് വീഴ്ത്തി യുവന്റസ് ചാമ്പ്യന്സ് ലീഗ് പ്രതീക്ഷ നിലനിര്ത്തി. ശക്തമായ പോരാട്ടത്തില് രണ്ടിനെതിരെ മൂന്ന് ഗോളുകള്ക്കാണ് യുവന്റസ് ഇന്റര് മിലാനെ മറികടന്നത്. ഈ വിജയത്തോടെ യുവന്റസ് മുപ്പത്തിയേഴ്മത്സരങ്ങളില് 75 പോയിന്റുമായി നാലാം സ്ഥാനത്തെത്തി. മുപ്പത്തിയാറ് മത്സരങ്ങളില് 73 പോയിന്റുമായി നാപ്പോളി തൊട്ടുപിന്നിലുണ്ട്.
യുവന് ക്വാഡ്രാഡോയുടെ ഇരട്ട ഗോളാണ് യുവന്റിന് വിജയമൊരുക്കിയത്. ആദ്യ പകുതിയുടെ ഇഞ്ചുറി ടൈമിലും എണ്പത്തിയെട്ടാം മിനിറ്റിലുമാണ് ക്വാഡ്രാഡോ ഗോള് നേടിയത്. ക്രിസ്റ്റിയാനോ റൊണാള്ഡോ ഒരു ഗോള് അടിച്ചു. ഇന്റര് മിലാനായി ലുകാകു ഒരു ഗോള് നേടി. ഒരു ഗോള് യുവെയുടെ ദാനമായിരുന്നു.
മറ്റൊരു മത്സരത്തില് മൂന്നിനെതിരെ നാലു ഗോളുകള്ക്ക്് ജെനോവയെ തോല്പ്പിച്ച്്് അറ്റ്ലാന്റ ചാമ്പ്യന്സ്് ലീഗിന് യോഗ്യത നേടി. മുപ്പത്തിയേഴ് മത്സരങ്ങളില് 78 പോയിന്റുമായി അറ്റ്്ലാന്റ രണ്ടാം ്സ്ഥാനത്താണ്. പോയിന്റ് നിലയില് ആദ്യ നാലു സ്ഥാനങ്ങള് നേടുന്ന ടീമുകള്ക്കാണ് ചാമ്പ്യന്സ് ലീഗിന് യോഗ്യത ലഭിക്കുക.
ജന്മഭൂമി ഓണ്ലൈന്