ന്യൂദല്‍ഹി : രണ്ടാം തരംഗത്തില്‍ ഇന്ത്യയ്‌ക്കൊപ്പം നിന്ന് ഒറ്റക്കെട്ടായിനിന്ന് കോവിഡിനെതിരെ പൊരുതുമെന്ന് യൂറോപ്യന്‍ യൂണിയന്‍. ഇന്ത്യയിലും യൂറോപ്പിലും മറ്റ് ലോകരാജ്യങ്ങളിലും കൊറോണ മൂലമുണ്ടായ നഷ്ടങ്ങളില്‍ യൂറോപ്യന്‍ യൂണിയന്‍ അതിയായ ഖേദം രേഖപ്പെടുത്തുന്നു. പ്രധാനമന്ത്രി നരേന്ദ്രമോദി പ്രത്യേക അതിഥിയായി പങ്കെടുത്ത യോഗത്തിലാണ് ഇത്തരത്തില്‍ പിന്തുണ അറിയിച്ചത്.
വളരെ വെല്ലുവിളി നിറഞ്ഞ കാലത്തിലൂടെയാണ് രാജ്യം ഇപ്പോള്‍ കടന്ന് പോകുന്നത്. യൂറോപ്യന്‍ യൂണിയന്‍ ഇന്ത്യയ്‌ക്കൊപ്പം നിലകൊള്ളുന്നുവെന്നും പ്രസിഡന്റ് ഉര്‍സുല വോണ്‍ഡെര്‍ ലെയ്ന്‍ പറഞ്ഞു. ഇന്ത്യയുമായുള്ള നയതന്ത്ര പങ്കാളിത്തം എങ്ങനെ ശക്തിപ്പെടുത്താനാകുമെന്നതിനെ കുറിച്ച് കൂടുതല്‍ ചര്‍ച്ച നടക്കും. യൂറോപ്യന്‍ യൂണിയനും ഇന്ത്യയും ഒറ്റക്കെട്ടായി നിന്നാല്‍ നിരവധി കാര്യങ്ങള്‍ ചെയ്യാന്‍ സാധിക്കും. മഹാമാരിയില്‍ പ്രീയപ്പെട്ടവരെ നഷ്ടപ്പെട്ട കുടുംബാംഗങ്ങളുടെ ദുഃഖത്തില്‍ പങ്കുചേരുന്നതായും യൂറോപ്യന്‍ യൂണിയന്‍ അറിയിച്ചു.
ആദ്യ ഘട്ടങ്ങളില്‍ ഇന്ത്യ പല രാജ്യങ്ങള്‍ക്കും സഹായമെത്തിച്ചുകൊണ്ട് മനുഷ്യത്വപരമായ സമീപനം സ്വീകരിച്ചുവെന്ന് ഫ്രഞ്ച് പ്രസിഡന്റ് ഇമ്മാനുവല്‍ മക്രോണും യോഗത്തില്‍ അറിയിച്ചു. ബെല്‍ജിയം പ്രധാനമന്ത്രി അലക്സാണ്ടര്‍ ഡിക്രൂ, സ്പാനിഷ് പ്രസിഡന്റ് പെട്രോ സാചെസ് എന്നിവരും ഇന്ത്യയെ അനുസ്മരിച്ചു.
ഇന്ത്യയിലും യൂറോപ്പിലും മറ്റ് ലോകരാജ്യങ്ങളിലും കൊറോണ മൂലമുണ്ടായ നഷ്ടങ്ങളില്‍ യൂറോപ്യന്‍ യൂണിയന്‍ അതിയായ ഖേദം രേഖപ്പെടുത്തുന്നു. ഈ പ്രതിസന്ധി ഘട്ടത്തിലും രാജ്യത്തിന് നല്‍കുന്ന പിന്തുണയിലും സമയബന്ധിതമായ സഹായത്തിനും നന്ദി അറിയിക്കുന്നതായി സംയുക്ത പ്രസ്താവനയില്‍ ഇന്ത്യ അറിയിച്ചു. യൂറോപ്യന്‍ കൗണ്‍സില്‍ ചാള്‍സ് മൈക്കിളിന്റെ പ്രത്യേക ക്ഷണപ്രകാരമാണ് പ്രധാനമന്ത്രി യോഗ്തില്‍ പങ്കെടുത്തത്.
